**طموح** @tmoh_5
محررة
صديقتي قفلت الباب على نفسها بالمستشفى و ولدّت نفسها بنفسها!!!
السلام عليكم ورحمة الله وبركاته
أول شي هذي القصة صارت صحيح وصاحبت القصة هي بنفسها قالت لي الي صار لها
بس ترا القصة قديمة شوي من سبع ثمان سنين
هي كانت حامل في اخر التاسع ولمن حست بالولادة راحت للمستشفى وحطوها بغرفة الكشف وكشفت عليها الطبيبة وقالت لها الرحم مفتوح (ما أتذكر كم بالضبط) المهم قالت لها قدامك اكثر من ثلاث ساعات على الولادة
المهم طلعت الدكتورة وخلص دوامها وبعدين مادرت الا الدكتور داخل عليها
وقال يبي يكشف عليها ورفضت بشدة وقال لها الطبيب أجل خليك قاعدة بغرفة الأنتظار
وإذا حسيتي بشدة الطلق دقي جرس عشان ينقلونك لغرفة الولادة
ولمن طلع الطبيب سألت السستر من راح يولدني قالت لها الكتور لأن مافي غيره الليلة هو المناوب!!
وش توقعون سوت؟؟؟
طلعت الممرضة وحطوا الجرس على سريرها
وراحوا الممرضات وكل شوي يمرون عليها وتقول مافي شي ولو حسيت بناديكم مع انها بتموت من الطلق وكل شوي يزيد حتى قربت
المهم الممرضات طلعوا ولا عاد يمرون عليها ( ينتظرونها تدق الجرس)
قامت صكت الباب
وقعدت على السرير وصار الطلق متواصل عليها وقررت تولد بنفسها بس تخيلوا سرير الكشف صغير !!
وقعدت تدف الطفل مع الطلق لحد ماطلع رأسه وسحبته ولمن صرخ الطفل غطت نفسها ودقت جرس!!!!
والله لا يوريكم قام المستشفى ولا قعد
دخلوها عناية مركزة ودخلوا الطفل الحضانة واستدعوا زوجها وهاتوا ياتهزيئ فيها لمن كرهت نفسها وخلوها توقع على إقرار أنه لو يصير مايصير مالهم علاقة فيها لو تموت
وجاء مدير المستشفى وسوى لها محاضرة وقال لها أقل شي لو طاح الطفل من السرير أو تعلق من سره وش بتسوين؟؟
قالت بكل برود أموت ولا يولدني رجال
والممرضات والطبيب صار لهم تحقيق كيف يتركون وحدة على وشك ولادة أكثر من ثلاث ساعات مايطلون عليها؟؟؟
زوجها مبسوط من تصرفها لا وجاب لها هدية يقول لها قليل تحافظ على نفسها مثلك!!!
وش رايكم بتصرفها صح أو غلط؟؟
برأيي أنا غلط × غلط
لأنها القت بنفسها الى التهلكة وهذا حراااااااااام
غير كذا جنت على الطبيب والممرضات حرام مالهم ذنب غير انهم وثقوا فيها أنها بتدق الجرس لو حست بقرب الولادة
يالله نبي ارائكم حول الموضوع
تحياتي
طموح
99
6K
يلزم عليك تسجيل الدخول أولًا لكتابة تعليق.
طبعا تصرف غلط بغلط ثلاث ساعات ممكن تروح مستشفى ثاني فيهادكتورة ولا تعرض حياتها وحياة طفلها للخطر
**طموح**
•
والله ماعندي راي لكن انسانه عجيبه ونادرهوالله ماعندي راي لكن انسانه عجيبه ونادره
مشاء الله على سرعة الرد
شكرا لك
طموح
شكرا لك
طموح
**طموح**
•
طبعا تصرف غلط بغلط ثلاث ساعات ممكن تروح مستشفى ثاني فيهادكتورة ولا تعرض حياتها وحياة طفلها للخطرطبعا تصرف غلط بغلط ثلاث ساعات ممكن تروح مستشفى ثاني فيهادكتورة ولا تعرض حياتها وحياة طفلها للخطر
هلا حبيبتي كلامك صحيح بس هي زوجها عسكري وتابعه لهذا المستشفى
الله لا يحد على هالموقف
شكرا لك
طموح
الله لا يحد على هالموقف
شكرا لك
طموح
طبعا غلط بعدين اهيا مضطرة يعنى ماكانت موجودة دكتورة وجاها الدكتور تتوكل على الله ويولدها الدكتورومافيها شي
الصفحة الأخيرة
لكن انسانه عجيبه ونادره