صديقتي كرهتني حياتي

مرحبا صبايا

اليوم بدي احكيلكم مشلتي مع رفيقتي الله يسامحها

انا طبعا بنت مو سعودية انا ممن سوريا المهم تغربنا على السعودية لما كنت ناجحة عالصف التالت و سجلت بمدرسة انترناشونال يعني كل دروسها انكليزي و الرياضيات بالإنكليزي و كل شي المم تعرفت على صاحبة كان شكلها انها مو شاطرة بس طيوبة و حبيتها و تعلقت فيها و كملنا السنة سوا و طبعا هي ما كانت شاااطرة ابدااا يعني مستواها الدراسي سيىء مع انو و الله حاولت اخليها تتغير بس ما تغيرت المهم بعدين لما نجحت عالصف الرابع كمان نقلت من المدرسة لمدرسة انترناشونال تانية و بالصدفة اول يوم طلعت هي ناقلة لنفس المدرسة مع انو تنيناتنا ما بنعرف انو ر ننقل سوا المهم تعرفنا على بنت معنا و كانت طيوبة كمان و كملنا و كنا كتيييير بنحب بعض و صداقتنا كانت معروفة بالمدرسة حتى سمونا الثلاثي المرح و كنا صحبة و بعدين انتقلنا للصف الخامس بنفس المدرسة و تعرفنا على بنت سبحان الله الله جامع فيها كل ادب و الحسن الذوق يعني عنجد هي كتير مؤدبة و كوميدية و هادية و كويسة و شاطرة كمان و طبعا صديقتي الأولى متل ما هي ما تغيرت من ناحية الدراسة المهم ملنا سوا لحد ما دخلنا صف سابع و انتقلنا على مدرسة حكومي سبحان مغير الأحوال تغيرت تماما صارت يا دوب تقلي صباح الخير مع انو انا اللي كنت اجيبها معي و اوديها بيتها بس كانت ما تحكي معي المهم عرفتها على بنات البنات كان ظاهرهم انهم كويسات لكنهم كانو خبيثات و سيئات كتيير يعني كانوا يحكوا مع شباب و مرة كانت وحدة منهم بدها تعطيني اسم شب كرمال لضيفو عالفيس و طبعا انا ما كنت قول لماما بس مرة بالغلط قلتلها لماما قامت قالتلي ابعدي عن هالبنات و فعلا اتفقت مع صديقتي انو نبتعد عنهن بس هي ما قدرت بدونن صارت تتركني و تحكي معن و صاروا يعرفوها على شباب و طول ما اقعد معهم حديثهم عن الشباب قمت صرت اتركهم و خليت صديقتي و قلتلها اذا بدك تمشي معن على راحتك و اذا ما بدك اهلا و سهلا طبعا هي راحت معهن و طول هالفترة انا وحيدة و الكل استغرب لأنو كانو بيعرفوا انو احنا رفقات المهم هي رفيقتي بديت تعملي مشاكل و دايما تعلقني بمشاكل لأني كنت حبها و مرة كنت قاعدة مع رفقاتي اللي تعرفت عليهن بالصدفة و انا بطلع لقيت صاحباتها بشاوروا علي و بيضحكوا يعني زي ما يكونوا بعيبوا طبعا انا اطلعت عليهم بنظرات حادة بس لا حياة لمن تنادي و ضلوا يعملوا هيك و هالشي خلاني افقد ثقتي بحالي و صار طول وقتي اهتم بوجهي كرمال ما يعيبوا بس هنن ما تغيروا و سبحان الله رفيقتي كانت تحاول تكرهني في البنات اللي انا مصادقتهم مع انهم قسما بالله قمة بالأدب و الذوق و كتيير بحبهم و ارتحتلهم و طبعا كان كل يوم و التاني مشاكل لحد ما انتهت المدرسة و رجعنا نحكي بس برسمية و طبعا كنا نحكي بس فجأة هي تزعل و انا مليت من اني اراضيها فتركتها و هي تتضايق و فجأة تحاكيني و فجأة تزعل فبالصدفة من يومين كنت بطلع على فيسها اللي هو مليان بقلة الأدب و الصور الوسخة قمت لقيتها حاذفتني من قائمة الأصدقاء من كل فيساتها فانا عملتلها حظر و لعلمكن انا بكيت بسببها ليالي و بصراحة ضميري مأنبني هلأ عنجد كتيير خايفة اكون غلطت بحقها بنات انتوا شو رأيكن انا غلطت؟؟؟؟؟
و قلولي كيف رح رجع ثقتي بنفسي و كيف اكون جريئة لأني صايرة خجولة كتيير يعني مرة كنت جالسة مع صحباتي و فجأة اجوا بنات ثانوي حوالي 0 بنات او اكتر و جلسوا حوالينا فأنا ما عرفت شو اعمل و رفقاتي بهدلوهم بس انا ما حكيت بس احمروا خدودي و بجد انا كتير مواقف بتصير معي هيك يعني بنصدم و ما بحكي شي

شكرا على كل وحدة رح ترد و الله يوفقها اللي تساعدني