صديقتي لاعيه جبدها من بشكارتها الأكولة اللي ما تخلي شي في الثلاجة

صديقتي تبغي منكن حل
تقول لي شغالتي اندونيسية
اتخيلي ولا عمري ناديتها من المطبخ الا تطلع لي وحلجها يتحرك
ما يهمني خل تاكل اللي تبغيه بس مب للدرجه اللي وصلت لها
وقت الغدا والعشا وهذا طبعا بعد ما تكون خلصت وشبعت
أي شي يتبقى لأي أحد من افراد العايلة ما لحق ع الوجبة تأكله يعني
ما تسوي حساب أحد ما لحق
مثلا صديقتي ذاك اليوم نامت عن العشا لأنها تعبانه
والصبح ثاني يوم تذكرت ان عشاهم كان شي هي تحبه
فنادت الشغالة وقالت لها سخني لي من عشا امس
قالت ما فيه أكلته انا والشغالة الثانيه ع الفطور الصبح
فانقهرت صديقتي ولا قالت لها شي
كيف يعني هي تعرف اني ما تعشيت امس
يعني ما تقول هذا نصيب حد والا شي
مع ان صديقتي تخيلو تقول والله ما احاسبها على اي شي
المطبخ عندها وهي اللي تحط لنفسها اللي تبغي يعني انا ما احط لها والا شي
على الاقل تسوي حساب اللي ما كلوا
تقول صديقتي
ذاك اليوم جايبين فواكه جديدة
وادخل المطبخ واشوف يوسف افندي معصور واقول شو هذا
قالت انا عصرته وباشربه انتوا شريتوا جديد وهذا من اللي أول!!!!
بعد صديقتي اسكتت من القهرشوو تقول لها ما تعرف
والسالفة اللي اقهرت صديقتي تقول
جاتني اختي ع العشا
وامي طرشت لي معاها رز وصالونه انا احبها وايد
ووقت العشا حطت صديقتي عشا بيتهم وقالت اختها لها
ترى امي مطرشه لج الأكل اللي تحبينه
فنادت ع البشكارة وقالت جيبي الأكل اللي امي جابته
قالت خلاص مدام أكلناه انا والشغالات
نعم!!
لا هو وقت عشا ولا شي
ولا اسألتني هذا تبغونه ولا شي
ولا افتكرت ليش جايبه اختي معاها هالطبق!!!
ماتت صديقتيس من القهر واسكتت
واللي قهرها اكثر
ثاني يوم لما اكتشفت ان امها كانت حاطه في كيس مانجا لليهال عيالها جايها من المزرعه
واسألت الشغاله وقالت ايوه المنجا اللي امس خلاص اكلته مع الشغالات
دوروا لها حل خلاص شوي بتنفجر صديقتي من هالشغاله
ما باقي اللي تاكل صديقتي واعيالها