صديقتي ماني عارفه كيف اساعدها ياللله يهون عليها مصيبتها

بدخلكم بالموضوع على طول

وحده من صاحباتي المقربات الي اعرفها من الطفوله

يوم كان عمرها 13 سنه بالمتوسط تعرفت على وحده من البنات الله يسامحها لعبت على عقلها وعرفتها على اخوها المهم صاحبتي هاذي اعرفها محرومه عاطفيا مررره وامها وابوها مره جافين ومعاملتهم لها شوي فيها اهمال وقساوه وطبعا ماصدقت على الله انسان حسسها بالحب عطته كل شي تملكه صارت تستغل اي وقت تشوفه اي فرصه يغيبون اهلها عن البيت تقابله وعلى اساس انه راح يتزوجها في النهايه المهم بعد سنتين اكتشفت انه يكلم مليون الف وحده غيرها وصارت زي المجنونه فتره تمشى وتتعرف اي احد يدق عليها تكلمه اي ااحد تشوفه تعرفون هستيريا جتها والحمد الله عدت
المهم بعد فتره يطلب يشوفها وعشان على قولته يواجها ويتفاهمون على كل شي ويبين لها انه صادق طبعا هي خبله وبزره كانت قالت طيب
وشافته في الليل عند باب بيتهم واهلها نايمين وطبعا كان ماجا عشان يتفاهم دخل وشافها وبيدها جوالها خطف جوالها وقال اوريك يالكلبه
واتصل على كل صديقاتها وفضح فيها وقال عنها انها بنت وصخه وانها ماتسوى وانتبهو منها وان عندي صور لها
وحتى اخته بعدت عنها
بعد كذا هي دخلت المدرسه الثانويه وطبعا بعدت عنه وافتكت فتره من شره وتابت والله هداها وخلصت ثانويه ودخلت معهد وتوضفت ومشااالله الله رزقها باحسن وظيفه وصارت مره ثقيله والله لما امشى معها بالسوق ويجي احد يتحرش انها تتفل في وجهه ومره تحاول تبعد عن الشي الحرام

المشكله الي صايره قبل امس اتصلت على تبكي وقالتلي تذكرين هاذاك الانسان الي كنت اعرفه وانا صغيره قلت ايه وشفيه
طلع رقم بيتنا واتصل ورديت انا وقال اسمعي ابي اتكلم معك ووهي طبعا ذاكره صوته وانصدمت وش ذكره بعد هالسنين
قالت نعم وش بغيت قال ابي اتكلم معك قالت رجائا لو سمحت لاتتصل واتركني في حالي
قال ههههاااااي مسويه نفسك محترمه يابنت فلان الفلاني ترا بلحضه ادمر حياتك ولاتفكرين احد بيفكر يتزوجك وان تزوجتي بتتزوجين واحد مو رجال وطبعا سكرت في وجهه وفصلت اسلاك التلفون
وهي مره منهاره ماتدري وش تسوي كفايه الي سوااه فيها وهي صغيره كفايه ماخلا احد وتكلم عنها
تقول انا عارفه اني غلطت بس والله كنت صغيره مره ندمانه ياليت احد نبهني ياليت اموت ياليت وياليت معقوله هالغلطه بترافقني طول عمري وطول الوقت وهي تدعي عليه بس والله حالها يقطع القلب

قولولي كيف تفتك من شره كيف اساعدها
يابنات ادعولها امانه ان الله يفكها من شره ويستر عليها وعلى بنات المسلمين اجمعين