هذا متأثر بالمسلسلات المكسيكيه والمدبلجه

ماعمرنا سمعنا بها الالفاظ الا يوم سمعنا بهالمدبلجات وربعنا يبون يسوون مثلهم
على اي حال هي تقيم وضعها وش الشي اللي يناسب لانها تخبر زوجها وش يصلح له ويصلحه
ان كانه يتاثر باحد كبير من اهله مثلا تعلم
او من اهلها تقولهم يدخلون
ان كانه مايحب تدخلات خارجيه لاتعلم احد
ان كانه يحب النقاش تناقشه
ان كانه عصبي تكتب له الكلام لو برسالة جوال
ان كانه مايحب كذا تسكت وتزعل ماتكلمه
ان كانه ماينفع معه تكلمه بزعل

وهكذاااا تشوف وش اللي يخليه يحس على دمه وتسوي والله يهينها على خلقته بصراحه

شوفي ياأختي زوجها هدفه من هالكلام بس يدور اللي يضيق صدرها وينكد عليها لأنه عارف انها حساسه...قولي لها لاتقصر بواجباتها المنزلية من أكله وشربه ولبسه ونظافة بيتها بس بس والمهم جدا واللي يبيله قوة أراده وصبر لأنها راح تستفيد منه باقي حياتها أنها تحرص انها ماتبين انها متضايقة وزعلانه من كلامه مع انه يجرح لكن الهدف انه مايحقق مراده وهو انه ينكد عليها وهو يطلع مبسوط يعني اذا سمعته جاء خليها تلعب مع اولادها وتضحك وكأنها مادرت انه جاء وهو يسمع ضحكها....أو تجيب العاب وألوان مع عيالها وتجلس معهم وتسوي نفسها مومهتمه منه وتضحك وتسولف مع عيالها ..أو بالنت وهي تقرأ ومبتسمه...أو تطبخ أكلة معينه وتنادي عيالها وتاكل معهم في المطبخ ....يعني تعيش في البيت مبسوطه حتى لو رمى عليها كلام تسوي نفسها ماسمعت لأنه بيلاحظ ان كلامه ماعاد ياثر فيها فراح يبطل هالكلام....ولاتنسى اللبس الحلو والريحه الهاديه للبيت ولها......والله يهدي النفوس

تروح لي ابوها ولا اخوانه هد رجال ومايوقفه عند حده غير رجال لاتجلس تقول حرام مسيكيني وعياله بيكفهم عند ابوهم خليه تربيه ماعد يقول الكلمه لها لانو الحين هي لي حاله سمعته بكره عند عياله وش موقفها

الله يكون بعونهاا ويصلحه ويجعله قرة عين لزوجة امين

مالت عليه واللي يتلفظ بهالكلام سفيه ومنحط بعد

مدري وين عقول الرجال يوم يقذفون زوجاتهم بهالافاظ

اختي لا تحرقي بنفسك والله بياخذ حقك بالدعاء