فتاه مسنه :

انا لي صديقه جداً مقربه لي لي معاها 10 سنوات وانا مااشوف بحياتي صديقه غيرها تركت كل صديقاتي وعشت معها وهي نفس الشي نداوم سوا نطلع نجلس سوا نكلم بعض ونشوف بعض وتزوجنا وزادت قوه علاقتنا اكثر ونشوف بعض اكثر واكتفيت فيها اخت وقريبه وصديقه وكل العالم تحسدنا ع قو علاقتنا وجمالها لو أغيب يوم ماتواصلت معها فيه تموت ضحت ب الكثير علشاني وسوت لي اللي قريبتي ماتسويه وانا ب المثل لها لكن فجاه هي صارت انسانه صامته ان كلمتها ردت وشاركتني موضوعي وان ماصار وبديت ب الكلام مستحيل تبدا هي وماعادت تشكي لي ولا تفقد غيابي وان صار وعاتبتها ماتهتم تقول هذا انا عادي عجبك كملي معاي ماعجبك ابتعدي وشوفي غيري لا تقولون ممكن سامعه منك شي او ضايقتيها بشي لان ولا شي صدر مني الا كل الاحترام والحب والتقدير لها بحضورها وغيابها كنا محملين كل البرامج وكل برنامج مافيه مضافين الا انا وهي وبعد تغييرها صارن مهجورات ف البدايه والنهايه حذفتني منهن وصار مره موضوع مرا تافه خلاف وانفجرت فيني سب وكلام وبلكتني من كل البرامج بعد شهر رجعت كلمتها واعتذرت وانا اشوف اني موب غلطانه وكلمتها عادي يومين وانا اسال واسولف وكلمتها صوت بعده التقينا بحفله قرايبي وجات وجبت لها قرايبي وعرفتهن عليها اللي هي ماتعرفهن واستقبلتها وسولفت معها مثل ماكنا اول وهي ب المثل بادلتني بعد ماخلصت الحفله ورجعنا البيت توقعتها ترسل تتكلم ب الحفله او ب البنات اللي شافت من قرايبي لكن ولا كأنه تغير شي لنا الحين اكثر من شهر وربي تعبت من غيابها وماعندي احد اشكي له لاني كنت متعوده عليها ومكتفيه فيها لدرجه امي تحسبها بنت لها وكل عائلتي من عمات وخالات يعرفونها وانا ب المثل كل عائلتها يغلوني من غلاهم لها الحين مادري ايش اسوي انا دايم اكون المبادره تعبت من اني ابادر ايش رايكن ايش أساوي معاها وربي تعبت من التفكير ولا عندي صديقات غيرها متعوده اني افضفض لهن كل صديقاتي رسميات ومن جهه ثانيه ماقدر أتكلم علشان مافرح العذال فيني مابيهم يقولون شفتي اللي تخليتي عنا علشانها تخلت عنك مابي احد يدري بحالنا كل من سال عنها رديت كأنها امس معاي وربي لي شهر كاتمه بس مجرد ماكتبت لكن طلع كل مابقلبي اكتب وانا ابكي ماابي اخسرها ابيها صديقتي دنيا وجنه بنتي عمرها 5 دايم تسال عنها واحيان تقول دقي علي عليها ابي أكلمها او تصيح نبي نروح لها او قوليلها تجي وابوها بعد مستغرب يقول ماعدتن مع بعض مثل اول واقول الا نفس اول بس مااحد يفضى احيان احتاج اشكي لها او اخذ رايها بشي او احتاج اني اشوفها او أكلمها بس ماعدت اقدر احس صار بيننا حواجز كبيره جداً ايش رايكن ايش ممكن اسوي 😭😭😭😭

انا لي صديقه جداً مقربه لي لي معاها 10 سنوات وانا مااشوف بحياتي صديقه غيرها تركت كل صديقاتي وعشت...

ألـوان الورد~ :

لا يمكنك مشاهدة هذا التعليق لانتهاكه شروط الاستخدام.