صديقتي مطلقه وتبغى مني طلبات غريبه؟؟

بسم لله الرحمن الرحيم

يا بنات انا فيمشكله محرجه مع وحده من صحباتي

اعطيكم فكره عنها
عمرها 24 مطلقه من عائله متوسطه متشدده اعرفها من 10 سنوت
كانت اول علاقتي فيها كويسه مره كويسه
ما كان عندهم نت ولا كمبيوتر
دحين سار عندهم نت وكمبيوتر احيانا يستخدموه

طبعا هيا سوت ايميل

وطبع ما عندها جوال اهلها مره شكاكين مره شكاكين فدقت عليا مره من المرات طلبت من بطاقه تلفون ثابت وجبتلها وانا مزنوقه علما انى كنت موظفه وهيا عارفه انى عندي راتب

المهم الان انا تركت الشغل ويعلم الله اني ما اشحن لنفسي عشان اعطي غيري ابغى اوفر فلوسي للعيد

المهم دقت عليا قبل فتره وقالت لي تبغى بطاقه تاني مره قلت طيب اخر الليل وطنشتها مو بقصد انما نسيت

اليوم رجعت دقت عليا جلست تهرج ثم سارت تتكلم عن الخطابات علما انى ساعدتها على الزواج كثير بس مالها نصيب
وسارت تقولي في خطابه بس ما عندها تلفون عندها جوال وانا ابغى اكلمها ضروري>>>>>>>>>>>انا عرفت انها تبغى تذكرني في لبطاقه اللي ما جبتها

وما ابغى اجيب
بصراحه قلت لها تبغيني اكلمها لك قالت ايوة بس مو دحين لمن اقولك قلت طيب وقفلت

ان جلست افكر لو الموضوع فيه خطابه ليش ما تدق من جوال امها ليش امها ما تتصل على الخطابه؟ ليش تبغى منى بطاقه مع العلم انى سرت اشك انها متعرفه على شباب بعد الماسنجر اللي سارت تستخدمو تدخل شات كتابي لان بصراحه كان لها ماضي بس مو مشكلتي هنا صحيح ما ابغى اخد ذنبها

بس مشكلتي كيف اقولها انى ما اقدر اوفر لها بطاقه تلفون مع العلم انها ما راح تحاسبني عليها يعنى من جيبي
وعلى فكره تراها تعاملني كاني اصرف عليها جيبي لنا وانتى عندك راتب وعندك وظيفه وكدا

قولو لي ايش اسوي مع العلم انى ما بغى جرحها واحرجها واحرج نفسي معاها