صديقتي مع الراق الشرعي

السلام عليكم ورحمة الله وبركاته
اخواتي الغاليات كيف الحال حبيت اشاركم تجربة صديقتى ام بسام مع الرقية الشرعية
كنا في احدى ايام اجتماع الصديقات وكان في بيت اختنا ام بسام ماشاء الله الجلسة حلوة والكل مبسوط وماشاء الله عليها تبارك الله طباخة من الطراز الاول بعد العشاء ريحينا تدرون شاي وقهوة والحمد لله اللهم ادمهاا من نعمة واحفظها من الزوال المهم كثرث السواليف من هنا وهناك بعدين خويتنا ام بسام قالت انها تشتكي من رجلها طول الشهر هذا وانها راحت للمستشفى وما عندها شيء قالت لها وحدة من الحاضرات ليه متروحين عند راق شرعي وتراه زين وكثير ناس تعبوا من المستشفيات وتحسن وضعهم بعد الرقية الشرعية وكله بفضل الله وحده ثم بذل الاسباب المهم ذكروا لها واحد في العزيزية وتحمست خويتنا وقالت ابي احد يخاويني منكم فطلبتني اروح معها بما انه في قسم للسيدات وبعد ما اخذت الاذن من اهلى توكلنا على الله ورحنا وصلنا بعد صلاة العشاء وكان الشيخ بدأ بقراءة سورة البقرة وشفنا الله المستعان الحريم واحوالهم اسال الله لنا ولهم الشفاء والعافية بعد ما خلص صار يرقي الحريم رقية جماعية (بصراحة انا افضل الرقية الخاصة لان بيوت اسرار) وخلص الشيخ وطلع قام جات وحدة من الحريم تسألنا عن الشيخ هو زين؟! قلنا لها هذه اول زيار ة لنا ضحكت وقالت انها كانت قبل عند شيخ يقرأ الرقية على الحريم وبعد العلاج يتزوجهم وعشان كذه تركته الاول
بس بصراحة الشيخ ما قصر رجع وجلس يرقي من جديد والغريب انه قال انه حاط برنامج مع الرقية مسابقات وان كل فايز وان الا ما فازت هذه السنه تفوز بالسنه الجاية :3_3_103:صراحة انا وام بسام ما عجبنا هالكلام يعني المفروض ان العلاج ما يكون طويل والمفروض ان المعالج او الطبيب انه يرفع معنويات المرضى ويعلمهم انهم راح يطيبون قريب ان شاء الله هذا تحطيم للمعنويات قالت ام بسام تدرين راح اجيب راق شرعي عندنا بالبيت . وبالفعل دورت الين ما لقيت وحده تمدح بواحد من الرقاة الشرعين وانتظروه عندهم بالبيت اختنا ام بسام وزوجها وعيالها طبعا هي تحكي لنا تقول انه شاب مبو شايب وصار يقرأ عليهم بالبيت لمدة اسبوع من اعراض العين الى آخره بس بعد اسبوع علمتنا ام بسام ان بطلت منه سالناها ليش ؟ قالت آخر ايام الرقية يجيهم العصر وبدأ يرقي بعدين يلمس رجول ام بسام ( وهو يرقي في نفس الوقت )لما يكون زوجها مشغول بالعيال وهي خافت ان ينتبه زوجها وتصير مشكله فقالت لزوجها اقول الحمد حينا بخير ومحنا بحاجة يجينا ثاني مرة صرفه وتعذر منه بسفر . الاب في الاول استغرب بس انه ارتاح من جيت الرجال يوميا وقصدي من هالقصة والله ان الناس مو سوا وكثير من اهل الرقية الشرعية فيهم خير :biggrin2:بس الافضل الحذر من بعضهم وبعضهم جعل الرقية تجارة اهم شيء المكسب المالي لا يبتغون فيها وجه الله . والرقاه الشرعيين الثقة فيهم خير وجداولهم دايم مليانه صعب الحصول عليهم اسال الله العظيم رب العرش العظيم ان يشفي كل مريض