صديقتي من 15 سنه ... انصدمت فيها ...

هلااا فيك يالغاليه..

اولا انا حاسه فيك وعارررفه وشو شعورك..


اتوقع انه البنت هذي تحس بالنقص وماتحب تحس انها اقل من غيرها..

والصدمات تسبب هذا الشعور لانها وقت صدمتها بأبوها كانت تفكر ليه كل الناس عندهم اباء وانا لا وقت صدمتها بأمها نفس الشي فهذا سبب لها شعور بالنقص..

والاحساس بالحسد والحقد والغيره نتيجة عدم الثقه والقناعه..

واذا على موضوع الحمل يمكن هي كان ودها تحمل وربي ماكتب لها وماتبي تقول وتحس بالنقص انها ماتحمل فقالت انها ماتنام مع زوجها وعندها يأس مبكر..يعني تقدم اعذار ومبررارت عدم الحمل..


انا اشوف يااختي انك تبعدين عنها تدريجيا وترا العين حق وطاعة زوجك وااااجبه عليك..
ومن اصعب الاشياء انك تتكلمين مع احد وتحسين انه يحسدك على كل كلمه..


الله يحفظك من كل شر ويهنيك بحيااااتك وتمم عليك حملك ويسهل ولادتك..

انسااانه طفشااانه ...


الله ينور لي دربك

ياالغاليه تحليلك عن شخصيتها صحيح فعلا دايم احس انها تحس بالنقص ..

وهي دايم تقول انا مو واثقه من نفسي ابدا ..



الله يرضى عليك ونصيحتك راح اتبعها لان فعلا كلامك عين العقل ...

الله ينولك اللي في بالك ...

الله يعيين أذا هي ماكانت كذا صدقيني هي تمر بأزمه نفسيه عقب وفات

امها وأبوها والي اصله طيب أذا أصلها طيبه صدقيني تبي ترجع لأصلها

والكلام الي تقوله من ورى قلبه ما ادري ما اظن فيه احد صدق

يحسد يقول أحسد الي يحسد يحسد بسكات بس عاد ما ادري لو صحيح

على العموم شوفي الجانب الأيجابي فيها وأنتي أحكمي

وبعدين بسالفة الحمل لاتلومينها ها اليومين الناس صايره

تخاف من العين حتى من أهلها يعني توقعي ان تعرفين وحده

تخاف من أمها حتى في العين وحصلت كثيرر وشفت هذا الشي

بعيني يعني مو شرط وقدري أن عندها عذر أنها كانو قايلين

لها أنها عقيم أكيد من الفرحه ودها تخبي حتى عن زوجها لاحصلها

ييعني لاتصيرين حساسه وتبين تخبين أنتي عنها خبي يعني

حلو أن الواحد يخلي الصديقه بعض الحريه في الأمور الحساسه

يمكن أحد أموصيها ماتعلم احد وكثير مشايخ ينصحون بكذا

الله يصلح حالك مع صديقت عمرك وينزع مافي قلبها من حسد لو صحيح

وأن كان مافيها تعب نفسي الله يشفيها منه .

عذب السجايا ....

فعلا هي اصلها طيب ..

وانا حاسه انها تغيرت من بعد وفاة امها وابوها ...

لكن ياالغاليه انا عمري ماتدخلت في حياتها بلعكس هي اللي تتكلم وهي اللي تشاورني ..

وانا من طبعي اقسم بالله انصح اي وحده كأنها اختي واحاول اخرجها من اللي هي فيه ...


وبالنسبه للحمل باأمكانها تخبي لاني اصلا انا مااشوفها وانا مو زعلانه انها تخبي لالالا بالعكس ياالغاليه افهميني انا اصلا ماطلبتها تقول لي انها حامل وانا اصلا ماسألتها هي تنام مع زوجها او لا...

يعني هي اللي تتكلم من نفسها ..

وانا اقسم بالله شخصيتي حتى مع اقرب الناس لي اخواتي اذا ماالوحده سألتني مااجي اتدخل بحياتها ابدا ...

حتى دايم اقول ان الحمل حق للزوجين يعلمو متى مايبغون ويعلمون من يبغون مااعمري تضايقت من احد اكتشفت انه حامل بعد 4 او 5 شهور ....

ولو بزعل كان زعلت من اخت زوجي مادريت انها حامل الا بالثامن وقلت من حقها تخبي هي حرره ...

لالا صديقتي كثييير تغيرت وتحليل انسانه طفشاانه في مكانه لانه قالت اشياء انا ماقلتها وهي فهمتها من الموضوع نفسه ...




عذب السجايا


الله يجزاك خير على مرورك ومشاركتي معاناتي والتخفيف عني

لاحول ولا قوة إلا بالله
إحتمال وفاة أمها وأبوها مأثرين عليها ،،، الله يعنيك أنا أنصحك تدعي لها بالهداية
بس كمان الافضل تخففي علاقتك فيها شوية ...