صديقتي............. هل اصرحها؟؟!!

مشكلتي ان لي صديقتي عزيزه علي مررررة الكل يحسدنا على صداقتنا وكل اسراري عندها وكل اسرارها عندي مانفترق عن بعض وخاصة هي اكبر مني بسنه هي باول ثانوي وانا بثالث متوسط وزيادة على كدا هي بنت جيرانا من يومنا صغار طاقينها صداقه بالشارع ثم تطورت العلاقه بالمدرسه

بس المشكله انها من دخلت هي المتوسط صادقت بنات _ سوء_

تاثرت هي واثرت علي في اخلاقي خاصه اني في فترة المراهقة مايبغى لها شي وخاصة اني حبيت صديقتها (اعجاب) ـ نزوة وعدت ـ الحمد لله تبت من هالاعجاب ـــــ
عشان كدا تقربت منها اكثر عشان صديقتها

وجاء يوم جا اخوي وحدرني منها وان سمعتها علك بحلوق الناس وانا ماشفت منها شي قال كلام كثير عنها وانها تحب واحد من قرايبي
وانا مادري وش السالفة على نياتي لانها ماكانت صريحه معي مع انه كل شي تقوله وزاد الطين بله ان خالة الولد قالت لي ان صديقتك تحب ولد اختي ولولد يقول لخالته انه ادا زرت اخوها دايم تطلع علي وهو مايدري وش سالفه واكيد هي تتعمد تطلع له تسوي انها مادرت وحدرتني منها وكثير غيرهم قالوا لي وحدروني وهي معي عااادي ومالاحظت هالشي

وجا يوم قلت لها : ان اخوي يقول عنك كدا وكدا , صدق اللي اسمعها بانك تحبين (........)؟؟
قالت لي : لا هدا من زمان حوالي سنتين لكن الحين تغطيت عنه

بس ماقالت اني ماحبه اوتركتها يعني حسيت من كلامها انها لين الحين تحبها خاصة انها ناشبه في اخواته مع انهم صغارو بنات خالاته

ومن يومها حاولت اتركها واقلل جلوسي معها مهما كان السمعة غاليه حتى اختي نصحتني يا احاول اصلحها يااتركها

واخترت الثاني ـ بس بالتدريج ـ لان ماعندي القدرة على النصح حاولت المح لها ابين لها بدون تصريح بس هي مافهمت,, حسيت صعب اصارحها لاني ماتعوت اني اجرحا



صارت سواليفها كلها سب في صديقاتها وانا مليت من هالحاله والسب وكل يوم نفس الموال


واليوم رسلت لي رسالة تقول ليش تغيرت علي وصرتي مو مثل اول
ودي اسولف معك وافتح قلبي لك بس انت ماعطيتيني وجهه لازم تردين علي وبصدق بدون لف او دوران

انا حنيت لها ورحمتها خاصة اني احبها وغالية على قلبي و البنت حبوبه بس سمعتها خربت عليها

ها بنات وش ارد عليها اصارحها ولا وش اسوي قولو لي وابغى طريقه للنصح مقنعه
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بسرعة الله يجزاكم خير ردوا واللي ماعندها جواب تواسيني بكلمتين عشان احس ان حولي احد

اختكم ...