مشكورة اختي الوان الروح الله يسعدك

الاسم حلو مافي شي بس يمكن الحركة مو حلوه بس ممكن ماتناديها باسمها ممكن زوزو او اي دلع حابته


المهم بعد كذا تفهم زوجها انو اول مااولد تروح تسجل الطفل بالاسم اللي متفقين عليه اثناء فترة الحمل واذا احد سالك قوله مباشره جاني مثلاً بنت او ولد واسمه فلان او فلانه


وربي يحفظ لها بنوتتها ويبارك لها فيها

يسعد زينب ويخليها لأهلها
تدري جات موضة الاسماء المخربطة اللي الواحد ما يعرف كيف ينطقها بس دحين قريب رجعت موضة ان الوحدة تسمي اسم فخم و واضح حتى لو كان قديم
انا في بكريتي كنت ابغى اسمي زينب وزوجي قال انسيييي ايش زوقك دا وشوفي فلان بنتو اسمها ماريا و علان اسمها جنى وانت تبغي اسم مدري كيف قلتلو بكيفك وسميناها تمارا واللي بعدها تالين وللأسف الشديد جداااا ندمت على اسم تالين لاني اكتشفت انو ماله معنى
قبل فترة شفت وحدة من عائلة جدددددا راقية و كلاس وعندها 4 بنات زي القمر يجننوا تبارك الخالق اسماء بناتها ( زينب - مريم - آسيا - فاطمة الزهراء )
رجعتلي حالة الندم على اني سمعت كلام زوجي في اسماء بناتي وما اصريت على اسم زينب

على فكرة اصراري على اسم زينب بالذات لأن معناه جدا عميق ولاني لاحظت ان اغلب المتسميات بزينب يجو حنونات واصحاب خلق عالي

حبيبتي اسم زينب حلو مافيه شي وهيا اللى تقدر تحلي الاسم بعيون بنتها وتخليها واثقه من جمال اسمها وتدلعها زيزو وتحاول قد ماتقدر ماتبين لبنتها ان الاسم مو عاجبها بكذا بتصير البنت ماعندها ثقه بنفسها والله يخليها لها

انا اشوف المشكلة مو بالاسم ..المشكله  بلي حولها ويفرضو رايهم بالقوة انا اتعب وانتظر شهور من الصبر والالم ولما اشوف بنتي او ولدي وبكل بساطه مالي حق في تسميته او المشاركة في الراي  ..وبخصوص اسم زينب حلو والحمدالله جت على كذا اهم شي بالاطفال القادمين المفروض تختاري الاسم وهي في بطنك وترتاحي ..وبخصوص انها تغير الاسم ما انصحها لتغيرة لعدة اسباب ..اولها انها راح تحرج زوجها بين الناس الكل يعرف انو سمى على امه  فخلاص صعب التغيير اللحين لو فيه اعتراض كان من البدايه مو لما انتشروالله يبارك لك فيها ويجعلها بارة في والديها ..