صديقتي والنهايه بينا ... تعالي قوليلي رأيكم للحكيمات

بنات بقولكم سالفتي مع صديقتي والي عندها كلام
يجرح ولا يزعل تحتفظ فيه لنفسها ابي رأي للحكيمات
بنات في صداقه بس مجرد صداقه والسلام وفي صداقه
تحسين ان الإنسانة هذي هي انتي أكيد في بعضكم فهمني الي عندها
صديقه قلبها على قلبك
انا عندي صديقه وهي مو صديقه بس لا اخت وهي بعد من اقاربنا
من كان عمري 8 سنوات وهي 5 سنوات ماذكر يوم تزاعلنا
كانت تجي عندنا بالبيت وتنام عندنا بحكم انها البيت جنب البيت
وانا بعد اروح عندهم كبرانا وكبرت صداقتنا مع بعض كانت تدافع عني بكل كبيرة
وصغيرة كنت ماتعب نفسي بشي هي انا وانا هي كنت مارضي احد يزعلها او يضايقها
وكانت دايم تقولي انا معاك احس بالامان << طرزان
والله يبنات حتي أمها تقول انتي شنو مسويه لبنتي تحبك حيل
اكثر من خواتها الي هم اصغر منها هي اكبرهم
كانت ماتاكل شي الا وانا عندها وانا بعد كنت ابادلها نفس الشي وأكثر
مرات سنين وكبرنا وجاتنا ضروف وصارت لها مشكلة ووقف معاها وهذا شي طبيعي
وهي بعد كل موقف الاقيها قبل حتي خواتي مايسوون سوأتها
بالمختصر هذي صداقه من القلب لا لمصلحة ولا لشي
كأنو في بنات من أقاربنا والله يابنات متضايقين من هالصداقه لدرجة
وحدة تقول انتو ماتفترقوووو كم سنة مع بعض لو شنو ماتتزعلون حتي العين ماتفرقكم
وكانت تقول اهب ياعيونكم لا مايفرقنا الا الموت والله اذكر كلامها زين
حتي أبوي الله يرحمة يقول هذي توام روحك اهلي كلمهم يحبونها
كانت وحدة من أقاربنا كبيرة اكبر مني ومنها تغار غيره فضيعة وهي تقرب لها
اكثر مني والله يبنات كانت تروح عندها وتقولها دامك مصادقة ياسمينا ماراح
أكلمك وراح أزعل عليك وكانت ترد عليها عادي ازعلي هذي اختي الي ماجبتها أمي
وكانت تسمعني مكالاماتها ومسجاتها البايخة والي كلها حقد وحسد مادري ليش تبي تفرق بينا
تقولها انا بعد صديقتك ونفس خالتك ليش تحبينها اكثر مني وتاخذين برأيها بأصعب
المواقف حتي مواقفها مع زوجها كانت تبيها تطلق من زوجها وانا الي وقفت لها وأقنعتها انها ترد
له وهي كانت تسمع مني حتي أمها ماتسمع منها
وكل مشكله مع زوجها كنت اول وحدة تعلمني فيها وكنت اعطيها رايي بحكمة
عشان كذا كانت ترتاح لي اكثر وحدة
وقامت هذي تحفر بيني وبينها وتقول لها والله لفرق بينكم
وربي ماشفت وحدة حقود اكثر منها المهم قعدت كم سنه تحاول
ولا احد يعطيها وجهة بالعكس صداقتنا تزيد اكثر وأكثر طبعني هي ردت لزوجها
وأنا عند زوجي
ودقت على الي هي البنت الي تبي تفرق بينا وتضحك وتسولف وتقولي
دير بالك من صديقتك تراها ماتحبك وتعلمني كل سوالفك قلت لها يالله قولي
سالفة وحدة والله يابنات ارتبط لسانها ماقالت شي لاني ادري انها كذابه
تبي تسوي سوالف وتفرق بينا المهم قالت لي هي ردت لزواجها وقالت لي سوالف مادري من وين جايبتها
قالت لها مادري سويت نفسي ماردي عن شي لاني ماحب اطلع سوالف وحدة عادية
شلون لو كانت هذي صديقتي المهم هي ماجررتني بالكلام ولا شي بس حست اني اعرف
شي وقلت اي يمكن اي مدري من هالكلام
وطياري ودقي عليها وقولي لها اني انا علمت سؤالفها وطلعت اسرارها وانا والله
العظيم مافكيت فمي بشي
ومن يومها وهي زعلانه علي ومتكلمني وصارلي الحين انا وياها ثلاث سنوات
بتقولين ليش ماحاولتي والله دقيت وسلمت وشفت نفسها ماش
ورديت دقيت سلمت وقلت خل أصير احسن منها ودست على كرامتي مع اني
انا اخر وحدة كلمت وتصلت وهي ولا تعبت نفسها ولا تدق ولا شي اتبعت
الانسانة لا والله الشيطانة الي بس هدفها تفرق اثنين خوات دنيا
جرحتني ثلاث سنين وانا اتحلم فيها ماقدرت أنساها ومسحت رقمها من عندي عشان
لاتعب نفسي لاتقولون دقي والله هنت نفسي ثلاث مرات ادق وهي ماتتصل وعلى فكرة هي بمنطقه بعيدة
عنا صعب أزورها وتزورني بنات شنو رأيكم وشنو سبب القطيعه والله اني محتارة