صديقتي وبنتها

السلام عليكم
ياجماعة الخير
عندي صديقة اعتبرها بمثابة اخت كبيرة
هذي الحرمة للاسف مالها حظ ابدا والله يكون بعونها
تزوجت واحد عديم شخصية يطيع اهله بكل شي وعاشت معاه سنين عذاب نفسي
وانواع الكره من بيت حماها
والفرق بين هالبنت واهل زوجها
انه هالبنت من عائلة راقية جدا وفلوس وابوها ضابط كبير كان واخوانها ب اعلى المناصب واخواتها كلهم متزوجين من ارقى العوائل الا هي حظها زفت
واهل زوجها على قد حالهم عشان كذا بدو يكسرون مجاديفها ونفسيتها وهي شخصيتها ضعيفة جدا الله يعينها
جابت منه بنتين و ولد
ابوها يوم شاف وضعها كذا وعايشة بالاهانات والذل هذي حط يده بالموضوع وسحبها من هناك وخلاها تتطلق وأجر شقة لها ومصروف فوق راتبها
المهم مرت سنين لحد مارجع زوجها لها يبغاه ترجع ومرة عن مرة ويوهمها انه تغير وبالاخر رجعت له غصب عن اهلها
لي صار انه اهلها قاطعوها وزعلو منها جدا وهي اختارت الزوج عليهم وعلى قولها ابو عيالي وعشان عيالي
المهم عاشت معاه شهر حلو وبعدها رجع لعادته القديمة وعشان حماتها تزيد الغيظ فيها راحت زوجته مرة ثانية وحدة نفس شكلهم
وعانت هالحرمة من زوجها وكيد اهل زوجها وضرتها
ومين بعد ؟؟
بنتها الكبيرة ام ١٨ سنة تسمع كلام عماتها وجدتها وانواع قلة الادب مع الام
لدرجة تحتفل ل عمتها زوجة ابوها بس عشان تغيظ امها
وانواع قلة الادب من البنت هذي
تتخيلون القهر هذا
والله الحرمة تجي بيتنا بعض الاحيان تنام معانا وتشكي همومها
اهلها زعلانين منها واهل زوجها جننوها خلوها عالحبوب النفسية
قبل اربع شهور حسمت الوضع راحت ترجت اهلها مرة ثانية وبعد مناقشات سامحوها ثاني بس هالمرة اجبروه وغصبوه يطلق طلاق نهائي للرجال وفعلا راحت سكنت مع اخوها ب شقته هي وبنتها الصغيرة والولد
وذيك تمت مع اهل ابوها وب اول ايام طلاق امها تغيظ فيها وتقل ادبها وماخلت شي
لحد ما خلاص الام كرهت بنتها وصارت تدعي عليها من القهر والغبنة
بعد اربع شهور الحرمة تحسنت نفسيتها جدا بعد مابعدت عن اهل زوجها وكيدهم
بس لي صار ان
البنت الكبيرة الحين تتقرب و تترجى الام تعيش عندها والام رافضة
البنت بعد ماتركتها امها ب ٤ شهور تغير وضعها
عماتها سحبو عليها بعد ما انجزو المهمة حقتهم وماعطوها وجه ثاني
كرهو الام في بنتها وكرهو البنت في امها
تمت البنت الحين ببيت ابوها عديم الشخصية وحرمته
وعلى قولها ل اختي زوجة ابوي حتى اللقمة تراقبني عليها
طبعا وضع البنت الحين صعب
زوجة ابوها تضيق عليها بكل شي وتطفشها بكل حاجة والبنت كل يوم تكلم الام تترجى وتعتذر والام قلبها مجروح من بنتها جدا ومو راضية تسمع بطاري بنتها ابدا
البنت طبعا راحت لهم الجدة ام امها طردتها من بيتها
الحين البنت عايشة الكأبة والهم ببيت ابوها وزوجته
اول امس كلمتني اتدخل وايش اسوي
لا تكلمت ذيك المرة بتلميح قامت علي الجدة وبناتها وهزئوني