صديقتي وبنت أختي

السلام عليكم

بنت اختي عبير بعد ما تزوجت صرت انا وصديقتها المقربه أميره صديقات وطبعا على علم منها وما في أي

مشاكل

طبعا هي وصديقتها برضو الى الان سمن على عسل

لكن اليوم بالكليه بنت أختي عبير كانت قاعده مع شلتها ( طبعا مو من ضمنهم البنت اللي أقصدها)

وقالت لهم اني أنا ( تقصد نفسها ) و أميرة متهاوشين هوشة كبيره ..

و وحده من الشله صادفت أميره وقالت وش فيك أنتي و عبير متهاوشين وش بينكم ..قالت أميره ما بيننا شي

بالعكس علاقتنا مره حلوه .. يعني صارت بنت أختي اللي هي عبير مو صادقه أو بالأحرى لها مغزى بكلامها ..

المهم اليوم وهي تكلمني أميره علمتني بهالكلام و قالت أنا فاهمه ليه عبير قالت هالكلام

لأن فيه وحده من الشله راعية كلام وأخبار ولها علاقه من بعيد بزوج عبير و تبي يوصله ان علاقتها مع عبيرر

بدت تنتهي ..لأن تخاف زوجها يدري ان لها علاقه مع عبير ويزعل وياخذ منها موقف على ان البنت ما فيها

شي ومضبوطه لكن تخاف انه يعصب لما يدري ان له صله مع هالبنت


أميره قالت أنا بسأل عبير هالسؤال .. وش رايك نبين قدام الشله ان علاقتنا مو زي أول و اننا شيل وحط ؟

واذا جاوبت عبير ايه ما عندي مانع .. فأنا ببعد عنها وبتتغير مكانتها بقلبي

و ان كانت جاوبت لا ما له داعي .. بكون اللي أفكر فيه شكوك ..



أنا محتاره انبه بنت أختي عبير على اللي صار منها ولأ اسكت لأني واعده أميره ما أقول لعبير

مابي بنت أختي تخسر أميره بحركتها البايخه لأن البنت وفيه ومخلصه بشكل لا يوصف

يعني ودي ان بنت أختي تجاوب على السؤال بلا ما له داعي نبين هالشي عشان تطلع بشكل حلو

قدام صديقتها ..وبنفس الوقت أقول لازم أحب لغيري ما أحبه لنفسي يعني انا ما ارضى تكون لي علاقه

بوحده زي عبير مستعده تبيعني وانا ما سويت شي عشان زوجها ..


وش أفضل حل بهالموقف ..