صديقتي وتركتها بعد ماشبعت منها تجريح واهانات كلكم ادخلو اخواتي وامهاتي

السلام عليكم

انا طالبه بالجامعه عمري 20 لما كنت في ثاني ثانوي يعني قبل ثلاث سنوات تعرفت على بنت كانت بالبدايه خفيفة طينه .. وصرنا صديقات .. انا كنت جديده على المدرسه وكانو البنات في الفصل في البدايه متقبليني عادي
بسس لما صرت صديقتي احسس انهم ينفرون مني

كننا عادي زي اي صديقات .. وكانت معنا صديقه لها تعرفها قبلي كننا سوا مزح وضحك وخفة ضل
بسس كان فيه شي عرفته بينهم واستحقرتهم وصارو مايقولون لي شي عنه ابد انه في واحد يتابعهم لما يرجعون البيت مششي واستمرت هالسالفه الترم كامل المهم انا مره حكوو لي قلت لهم : روحو عني غسلت ايدي منكم
كنها مزحه بعدها صارو مايقولون لي شي بس اللي اعرفه انه صار بينهم رسايل ورق يحطونها بمكان معين بالشارع ووكذا

بعد كذا جت الاختبارات النهائيه والبنت الثانيه متغيره الكشره ماتفارق وجهها وتروح البيت بسياره للين اخر يوم بالاختبارات راحت ولا حتى سلمت علينا وقاطعتنا نهائي لا اتصال ولا شي ..؟
والسنه اللي بعدها في ثالث نقلت من المدرسه
انا قلت لصديقتي بما انه بيتها قريب روحي لها بسس تدرون انها تتهرب يعني هي عارفه انها زعلانه ومنها بالذات والسالفه كبيره بس خايفه لان الموضوع بيفضحها بالتأكيد .. البنت غيرت رقمها وقاطعت الكل

المهم : يعني من غير تصرفاتها معي لما نطلع مجمعات وانتقاد اهلي لها وضحكها العالي الغير معتاده اسمعه منها استغفر الله بسس

تصرفها معي : كنت اقول تمزح تطق الميانه بس عرفت انه اغلب الكلام او اللي تعتبره مزح بالنسبه لها مزح برزح يعني تدقني بالمزح

هي ابوها متوفي ووحكت لي بنت انه ضروفها الماديه ضعيفه بس انا ماعمري شفت عليهم قاصر بسسس البخل اللي فيها .. اذكر كانت تحرجني عند البنات تقول حولي لي رصيد ومرره قلت خليني احول واليوم الثاني تتريق علي تقول انه انا حولت لها من زيادة نقاط سوا

مدري وين صرفتها هالمزحه وعديتها ..؟

حصلت لي معها مواقف كثيره بس انا مدري كان فين احساسي اللي امشي ورا هالاشكال .. يوم خلصت السنه وجلسنا بالصيفيه كنت ادردش معها مسن ووقالت لي تعالي الشات قلت مستحيل ادخله وحاولت فيني اسبوع وتقول الغرفه فاضيه كللها بنات تعرفهم ولا تكلمين خاص بسس اتريقي واطلعي دخلت شوي الا فيه واحد يكتب لي على الخاص كلام وهي بنفس الوقت تكتب لي على المسن شبكي يعني كلميه وسوي علاقه معه

انا طلعت من الشات بسرعه قالت ليش طلعتي قفلت المسن ووقفلت الكمبيوتر والجوال بنام المهم يوم فتحت الجوال لما صحيت لقيتها متصله فوق الالف مره ووومسجات تحلف وتقول انها بنت كننا بنمزح معك بس احساسي يقول انه ولد وومن غير اتصالها على اخواتي تسأل عني زعلانه ولا لا

اخذت منها موووقف من وقتها وحسيت ليش هذيك البنت تركتنا وراحت

بعدها قابلتها بزواج : وكانت عازمتنا وحده من الشله انا واخواتي جيينا واحنا الحمد لله لبسنا انيق وكشخه بس انصدمت يوم شفتها ماتوقعت انه هاذي اللي تسولف معي بالفساتين كذا .. تذكرت كلام البنت يوم تقول يتيمه وعلى قدهم عادي لاتلومينها يوم تطر الرصيد

وكانت مستحيه من نفسها ماتفارق الكرسي وفجأه لمحتها تقززنا وحده وحده من فوق لتحت .. لفت علي قالت تشوفي كشختي بعرس عممي ايش مناسبة الكلام مدري

بعدها كل ماصارت مناسبه لهم حتى لو ماتعرفهم تقول اكشخي وتعالي جيت عندهم مرتين تلف فيني على الطاولات تخليني اسلم على ناس مااعرفهم تقول لهم هاذي صديقتي

المهم : تخرجنا وهي على نفس وضعها بسس تغيرت فجأه لاني صرت اعاملها بنفس الاسلوب اللي تعاملني فيه هي تتريق علي تريقة تجريح وتضحك انا صرت اتعامل معها بنفس الاسلوب ووصارت تزعل من الكلام عرفت انها ماتقصد علي مزح

تزوجت وحده من الشله وتصير بنت خالتها كانو صديقات من الطفوله .. انا بمناسبة زواجها هديتها الزفه وكلفتني 1200 ريال وسويتها نفس ماتبي سمعتها وقالت لي عن اذنك بغير شي قلت براااااااااحتك هذا زواجك وربي ماازعلت ولاهو شي يزعل

باقي عن زواجها ثلاث ايام اتصلت علي المعتوهه صديقتي سابقا تقول تراها اليوم وحنا عندها سبتك سبب خساره فيها الهديه تقول هذا وانا قايلت لها عن الاغاني تروح تسوي لي كذا ياعالم البنت ذي مستحيل تتلفظ كذا انا درست معها سنتين وربي ماتعرف السبب تزعل بسكات ووماصدقت ,, وتقول لي دقي عليها وخليها ترجع الزفه بالله عليكم ايش شايفتني تقول اذا ماتتصلتي انا اتصل تخيلوووووو

انا طبعا حسيت انها غيرانه من البنت لانها بتتزوج قلبت الموضوع على راسها قلت لها انا مابي مشاكل بليز ومستحيل ارجع بالهديه

رجعت تفاتحني بالموضوع وتقول وتعبك وفلوسك على ناس ماتستاهل وربي لو انها بنت ثانيه كان صدقت اللي ينقال لي بسس االبنت هاذي مسكينه مرررررررررررره

طنشت وووكنت بحضر زواجها بسس بسبتها ماجيت


وبعد ماخلص الزواج قلت الحمد لله الموضوع خلص على خير ترجع تفاتحني بالموضوع مرره ثانيه تقول الزفه اللي شغلوها مو نفس حقتك قلت بكيفها ومافي فاايده تبيني اتهاوش مع العروس غصصب


بعدها بفتره جلست اسولف معها عالمسن وكان خالي معي كمان على المسن ارسل لي صورته وقال لي سويها فوتشوب انا لقافه حطيت لها الصوره بسس عشان نضحك هي طبعا لاتوصوها بالاستهزاء على العالم من زود الوقاحه ليتها ضحكت وسكتت نووو تقول يخرع يشبهه اختك

وووبعدها تلمح لي تقول خليني اكلمه معك محادثه جماعي وو حطي صورته انا اطنش

وووووو ماتوقعت انها بيوم تفسر حركتي يوم حطيت الصوره اني بخطبها له اساسا خالي لو قال يبيها انا اقول لا

خالي خطب بنت جيررانا بنت اخلاق وماتساوي ربع الربع منها .. هي ماشافت البنت ولا تعرف عنها شي بسس نزل الخبر عليها صاعقه والله .

بعدها صرت لما اجيب طاريها على اتفهه سبب ياانها تاخذنا تريقه وووو تمسح فينا الارض يااتقعد تنتقد انتقاد يرفع الضغط وبقووووووووووووه

زي اذكر مره قلت لها رحنا السوق انا وهي مع بعض وشرينا نفس العطر قالت تخلف ماعندها شخصيه تقلدك ايش هاذا تقليد حتى بالعطر اناا اسمع انه الناس تطقم باالبس مو بالعطرر قلت لها : احنا متعودين من زمان كذاا .. كل شي زي بعض

وومره كمان قلت لها انه احنا طقمنا بالعيد قالت ههههههههههههههه ياقدمكم


اسلوبها بشكل عااااااااااااااام يرفع الضغط بحجة انها مززززززحه ..

عدت الايام وعملت حركه ماانساها بحياتي عمري ماننصدمت من ناس كذا . حصل زواج اختي وعزمت البنات كلهم
ومن زود اللعانه اللي فيها تروح بنفس اليوم تتصل على البنات اللي عارفه اني عزمتهم تقول تعالو عندي

من بعد هذا الموقف قلت خلااص لين متى وانا اعذرها

ومن غير انها غيرت بنت خالها علي اللي تبيني اناا ابداء بالهوش معها واكتشفت انها

1- ماتثق فيني ابدا ...
2- يوم تخرجنا من الثانوي تقول للبنات نسبتها الحقيقه وانا لا تقول لي اعلى منها
3- تغار مني وتقارن بيينا على اتفهه شي اللي هو نوع الجوال
4- اكتشفت انها تصور علي محادثات .. ؟؟

ومن غير غيرتها من مرت خالي اللي عمرها ماشافتها ولا ولا تعرف عنها ولا شي

ووو كمان توبيكاتها تكتب كلام تتعمد ترفع ضغطي فيه انا مااحب أسألها لاني مابغاها تقول شاكه بنفسك مثلا

ولما اكتب اي شي لو جاي بالغلط تحقق معي بسس اغير التوبيك تجي خمس ثواني ناطه ليش وليش

من بعد سالفة خالي بالتحديد تغيرت .. كل مااقول كلمه تاخذني بالتريقه والتجريح واني انا ماعرف اكشخ ولا البس ومافهم بالتطور واني انا ومرت خالي متخلفات وكل شي اقوله ولا فيني ولا في اهلي متخلف

اخر شي وصل حدي معها : بعد موقف فرح اختي صار لي 100 يوم بالتمام مااكلمها وامس زواج اختها

اخذت معها اسلوب الانسحاب بسكاااات لاني لو صارحتها بااي شي اني مابيك تقعد تقول ليه وليه ويمكن تطلع لي مشاكل من تحت الارض

صارت تتصل ماارد ووحذفتها من المسن ووو رسايل كل شي ماارد مدري ليش احس انه اسلوبي ذا احلى اسلوب يحرقها


طولت عليكم