صديقتي وتناقضها ماعاد ادري تسبهت

السلام عليكم ورحمة الله وبركاته


بنات انا عندي صديقه قديمه حبوبه وطيبه وياما وقفت معي بمواقف واسمعت لي وهي الوحيده اللي علمتها عن ظروفي وطلاق امي واني انا واخواني عايشين لحالنا

المهم لاحظت عليها من تقريبا سنتين انها مستحيل تتكلم لي عن حياتها الخاصه الا بس اول يوم كنا بالثانوي كانت تتكلم شوي بعديييييين انكتمت ماعاد تتكلم بس تسمع لي ولا تسولف سواليف عامه
طبعا اللحين المفروض اني انا وياها متخرجين من الجامعه بس بقى لنا ترم

وقبل تقريبا 5 شهور سوت عمليه لعيونها وفقدتها بالبي بي ورحت دقيت عليها وانا موب بالعاده ادق بس بالبي بي اكلمها محادثه كتابيه
وقلت لها وراك ماقلتي لي انك سويتي العمليه قالت بمعنى كلامها اني ماقلت لاحد ابد وان اللي يدق علي هو اللي درى وفهمتني انها زي فجاءه المهم مشيت السالفه وعادي
وعقبها بشهرين ملكت وارسلت رساله عامه للبنات بالبي بي اني تملكت انا استغربت لانها ساكته ولا قالت لي
وباين السالفه مترابطه ماسويت العمليه بهالوقت الا عشان عندها خطبه وبتتملك الله يوفقها
ويوم دريت عن الملكه وابارك وعادي

بعدين هي حست ان حركتها شينه وجت ترقع وتقول ان كل شي صار بسرعه ونويت اكلمك بنفس يوم الملكه بس انشغلت واني الى اخر الوقت مره اوافق ومره اهون ولا تتغيرين علي ومن هالكلام

المهم قلت لا عادي ماصار شي والله يوفقك وانتهينا
وشريت لها هديه وعطيتها
وبعد زواجها بحوالي شهرين كلمتها بالبي بي قلت وش اخبارك وكذا توني باديه اتكلم ومن باب الميانه قلت وش اخبار ابوكم قالت طيبين ماعلينا بس ابوكم مالها داعي

قلت ايه المعذره وعقبها لا كلمتها ولا كلمتني لنا حوالي شهر


يابنات انا اللحين علمتكم المواقف هذي كلها عشان تحكمون استمر بعلاقتي معها ولا اتركها خلاص
وبنفس الوقت تفهمني انها تحبني وتعزني واني اغلى صديقاتها يعني تناقض

ماادري وش السالفه الى قبل زواجها باسبوع داخله علي محادثه بالبي بي ليه ماتكلميني وتسالين عني ولا قلتي ودي اشووفك

قلت لها اخاف انك مشغوله وماابي اضغط عليك بعد


يعني قمممممة التناقض ماادري هي تبي علاقه معي ولالا

تمخولت صدق وبنفس الوقت انا احبهخا وارتاح لها وماقد ارتحت لصديقه كثرها وهي الوحيده اللي اتكلم لها عن حياتي الخاصه وانا طبعا من النوع الكتووم اللي ما اتكلم لاحد بس هي سبحان الله غيير واحس اني اذا تكلمت لها تخفف الضغط اللي علي يعني لها مكانتها بقلبي

وبنفس الوقت مابي افرض نفسي عليها اذا صارت ماتبيني ولا انشغلت



ولي مصادقتها اللحين 6 سنوات تقريبا


شوروا علي الله يرضى عليكم واعتبروني اختكم الصغيره

والله يجزاكم خير