صديقتي وتوأم روحي كلمتني وهي منهــاااااره لإن أبوها توه مصارحها أن زواجه بعد العيد !!

هو ماسوى شئ غلط هذا حق من حقوقه بس احنا الحريم مانرضي شي يعور القلب الله يسخر ابوها لامها واللي ربي كاتبه بيسير

الشكوى لله ماراح تقدر تمنع المكتوب خاصه انه تملك عليها بالدعاء واهم شي انه مايتغير بعد الزواج

اللي تقول ماسوى شئ غلط اقول لها
هي مابكت لان ابوها سوى شئ غلط بكت من اللي صار
بكت من حرقتها على امها بكت لأن حياتهم بتتغير كل ماقلنا حرف قلتوا شئ الله محلله
صح الله محللة بس يقهر ويبط التسبد والحرمة بعد ماصبرت وولدت وربت وتعبت جزاها يتزوج عليها
من حقها انها ماترضى بهالشئ ,,,,

اسمعي كل كلمة بأقولها لك زين
لأني اتكلم من واقع تجربة
ابوك ياقلبي خلاص بيتغير عليكم 180 درجة اذا مو أكثر بعد
بكل شئ بالحب بالمصروف بكل شئ
امك ياقلبي عليها وقفي معاها قد ماتقدرين واذا قال لها الخبر الزفت هذا
اصبرو يومين وتحاططو انتم ياعيالها واشتروا لها هدية
احنا اخذنا عقد أمي من داماس اذا بتقلدوننا
لاتتركين امك لكلام الناس انتبهي من نصايح الحريم لها لانها اغلبها خرابيط
ومايحس بالجمرة الاواطيها

واهم شئ
لاتختلطون فيها ابدابد
انتم بحالكم وهي بحالها يعني لاتزوركم بالبيت قولي لأمك تشرط هالشرط
بيتها ماتدخله صدقيني بترتاحون وتفتكون من نصف المشاكل
ولاتختلطون فيها ابد ابد
اما ابوك ادعي له انها متلعب براسة وتغيرة عليكم وتصير من بنات الحلال
مو كل الزوجات الثانيات شريرات للأمانة بس انا احذرك احسن لك
والله ان بعضهم يصير احسن من قبل بس علشان لاتنصدمين قلت لك هالأشياء وربي يرد ابوك لكم رد جميلا.....

الله يعينها و يعين امها

الله يكوووون بعونها ...

بس المفروووض إذا أبوها مو مقصر معهم تتقبل الصدمه بصدر رحب ..

و تقول له موفق يابوي صح صعبه عليها بس ولو

تكووون ذكيه ترى والله مايروووح فيها إلا هم لأن الزووووج إذا حس بظغوووط منهم تعلق قلبه فيها وأنسحب من حياتهم حبه حبه ..

تمسكوا فيه ولا ترخصونه وماهي بنهاية العالم

وخاصة هي بما أنه فاتحها معناه أنها شئ كبير بالنسبه له ..لذلك تكوووون حكيمه وحليمه وتبارك له

وتهونها بخاطرها عشان إذا عرفت امها بعدين تهون عليها ..

والله ييسر لهم ويرده لأمها رداً جميلاً ...