صديقتي وحالتهم

الله يفرج همنا و همهم

وعليكم السلام ورحمة الله وبركاته

انا اشوف ان 2000 ريال نعمه

اللي انصحها فيه انها تبحث في عمق روحها وتفكيرها واحساسها عن الكنز الثمين ( القناعه )

لما توصل لمرحلة الشعور بالتسليم والرضى والقناعه بما قسم الله لها ماراح تحس انها عايشه في صراع وحرب نفسيه مع الفلوس والماديات وتقضي عمرها شغلها الشاغل كيف اجيب فلوس والنتيجه ان سنوات عمرها تمضي ما استمتعت باللحظات البسيطه اللي تمر عليها وحتى انها ماصارت تشوف هاللحظات الجميله لانها مركزه على الفلوس فقط .

كلنا نتمنى الغنى والمال والسعه لكن لكل انسان رزق مكتوب له

وكل شي ربي يكتبه علينا من سعه وضيق فيه رساله ربانيه وحكمه لازم احنا نفهمها ونستوعبها ونرضى فيها وما نتصارع معاها لاننا اذا رضينا فيها وحمدنا الله وشكرناه بإذن الله ربي بيزيدنا ويبهرنا بعطاءه وكرمه .
واقولها لك وانا كلي ثقه مافي شركات تعطينهم 2000 ويردونها لك دبل او تجيك ارباح خياليه لو كانت بهذي البساطه كان لقيتينا كلنا نتسابق على هالشركات بكل مانملك ونعيش الثراء الفاحش واحنا مرتاحين .
عليها بالصبر والرضى والدعاء والاستغفار وحسن الظن بالله

وتحفظ فلوسها دامها ناويه تبحث عن شركه تعطيها ارباح خليها هي تتدخر جزء من راتبها شهرياً الى ان يكبر المبلغ ثم وقتها يمكن تلاقي لها مشروع صغير تستفيد من ارباحه شي بسيط

طيب تفتح لها مشروع ، فيه كثييير مؤوسسات تدعم مشاريع البنات ماديا و نفسيا وتساعدهم مثل رياده وغيرهم ...


او تشتغل وظيفه بالبيت غير وظيفته حاليا مثل التسويق عبر البرامج و التواصل الاجتماعي ....


او تاخذ طبخات و اكلات حلوه و مطلوبه وتبيع بحديقه او تفتح حساب انستقرام او تسوي توزيعات ، تشوف نفسها بايش تبدع و باذن الله تعالى ربي بيرزقها من واسع فضله ....

الله يرزقنا ويرزقها يااارب

اذا سعوديه خليها تشتغل بالمولات ولا كاشير رواتبهم 4 و 5