مشكوره حبيبتي أميره رقيقه والله بردتي قلبي..

يا عمري يا بنت الواحة ادري عورنا قلبك

انت الله يهداك ما وضحتي

يا عزيزتي صدقيني الدنيا كفيلة بانها تنسيك

ياما صديقات كانوا خوات دنيا وبعد الزواج والاولاد تفرقوا

وما يشوفون بعض الا من وين ووين

ستارز لا والله ماعورتي قلبي بس اتمنى القى الجواب الشافي لقلبي
كل شي الا الفراااااق لأني ما أقدر...

الصداقه شي حلو رغم انها اصبحت عمله نادره بهذا الزمن..
احس فيك وبكل كلمه قلتيها..ولكن لابد انك تساعدين نفسك بعدة طرق..
اول شي حاولي انك توسعين دائرة صديقاتك اعطيهم من اهتمامك وتفكيرك حاولي وتذكري انه كل شي في بدايته صعب..
شوفي الناس اللي حولك دوري على ايجابياتهم وخذيها بعين الاعتبار..
خلي عندك هدف محدد وهو انك ترفعين نسبة المقربين في حياتك وتمدين جسور الموده بينك وبينهم فالانسان لايمكن ان يربط مصيره بشخص واحد مهما كان الرسول صلى الله عليه وسلم كان عنده صديق وخير صديق ولكنه لم يعتزل بقية الصحابه..
اشغلي نفسك بكل شي مفيد حاولي تخففين من مكالماتك لها لانه كثر الاحتكاك يولد التعلق والتعود..

واكثري من الدعاء اسألي الله ان يخفف هذا التعلق الى ان يصبح مصدر سعاده وليس مصدر هم او ضيق..

لك كل الود..

ماشاء الله عليك ليت كل الصديقات مثلك في محبة صديقاتهم كان الدنيا بخير

اكيد حبك ماجاء من فراغ وان صديقتك بنت خلوقه حبوبه فيها صفات الصديقه الوفيه المخلصه

حاولي تفكرين باستمرار وتحطين في بالك دائما ان الدنيا ماتدوم يعني انكم لابد تفترقون سواء لسفر او زواج او .....الخ علشان اذا جاء الفراق ماتنصدمين

والله يخليكم لبعض ويجمعكم عالخير والسعاده