صديقتي وزوجها

السلام عليكم
كيفكم
راح اطرح عليكم مشكله واتمنى اللي عندها حل واقعي ومنطقي تجاوب
صديقتي تركت بيتها :icon33:
بعد ماطفح الكيل
وتقول خلاص مليت طفشت واني طايقه
وطلبت من زوجها يوديها عند اهلها وقالت الين تلاقي حل ياانك تتغير او اني اتاقلم
المشكله
هي ان زوجها مايعطيها مصروف
لاتقولوا وش فيها
زوجها امه وابوه متوفيين
وهو اكبر اخوانه
وهو المسؤول عن الحلال
انا قلت يمكن هذا سبب للمشكله انه يقول فلوس ايتام
تقول دايم ونحن في هذي المشكله اعطيني فلوس
لا
وعذره ان مو ناقصك شئ
انا اتعب وانت تصرفي الفلوس كذا
تقول انا اشوفه يعطي اخوانه بالهبل
وهويقول انا اعطيهم لكن انت لا
تقول انسان بخيل مره لدرجه انه اغراض البيت اذا طلبت يقول مو لازم اسان موراعي انه يفتح بيت
بس شغل ويرجع ينام وياكل
هو فيه صفات طيبه
لكن تقول هذي المشكله اللي بيننا
وهي تدرس بالجامعه وشارطه في العقد انها تكمل
متزوجه لها سنه وثلاث شهور
باقي ماحملت
راحت تتعالج في مستشفى خصوصي
واخر شئ قالها
مافي جامعه
الجامعه والمستشفى خصروني
وانا بامكاني بكره اروح اتزوج واجيب عيال
قالتله روح
طبعا نتائج التحاليل والفحوصات سليمه يعني ينتظروا امر الله
دايم في مشاكل
تقول اعطيني راتب كل شهر وننتهي من المشكله
قال لو مدري وش تكونين مافيه
المهم اخر المطاف قالت ودني عند اهلي
طلبت فلوس الان صيفيه وعندها مناسبات ومواجيب كثير ناس اعطوها في فرحها هدايا وودها ترد لهم الجماله
تصدقوا اش قالها
اعطيك 200 ريال بس :angry:
بالله اش تسوي لها او للهدايا
قال طيب 400
وكذا كل مناسبه حتى في العيد اعطاها 200
وترى مكافأتها انقطعت
وهي انسانه عاديه ممكن تمشي حالها باي شئ
لكن وضع زي كذا مومعقول
تقول بكره النهار يجيني عيال كيف اسوي
وكانت قبل الزواج بس على المكافاه
واللي متعود على الفلوس في يده مايقدر
وهي عندها جامعه تداوم وترجع وتشتغل وتسوي كل شئ يبغاه
ادري بتقولوا من واجبها
وفعلا تقول لو عليه مايستاهل
لكن عشان الاجر بس
قالت لو فكرت اني ارجع
برجع بس غير هذي الانسانه
وصارت تبيع من اغراضها
وتقول في بدايه زواجنا كنت عاذرته عشان نبغى نشتري سياره
والحمد لله اشتراها
وقالت له
لو اعرف انك مديون او فقير كان لك عذر
لكن هو ماشاء الله موسع عليه
وقال ايوه لاني مديون ولاني فقير بس ماراح اعطيك
احس ان المساله صارت تحدي
تصدقوا ان جوالها مايسدده
ولا يشحن لها ولاشئ
وحتى تلفون البيت مايسدده الا بعد ما تنقطع الحراره
وصارت تنحرج الكل عارف حاله زوجها وهي مقصره
هي تسوي حركات رومنسيه
اخذلها من هنا
واعطيها وتطبقها
طبعا كل شهر
وقالها لاتسويها كل شهر كل 4 شهور مره
وانا اعرفها تمام المعرفه
انسانه نظيفه ماشاء الله لاقوة الابالله
وطيبه وتعدي وتمشي وتبلع حتى لوعلى حساب نفسها
وتسوي كل اللي يبغاه
وتجدد في لبسها في البيت في مكياجها في كل شئ كل شئ
ماعرفت اش ارد عليها
لكن قلتلها
الان لاتفكري لانك مشحونه
خذي فتره وفكري
شوفي السلبيات والايجابيات
وبعدين قرري بعد ماتستخيري
وعليك بالدعاء
لكن انا ابغى حلول عمليه ابغى شئ تقدر تقنعه فيه
وكل ماقالت له اعطيني قال ماني ملزوم فيك
وقالت ماني قادره اخذ بالطيب ولا بالغصب
يعني مااقدر اسرق من وراه
لانه مايحط فلوس كثير في المحفظه واذا حط قليل يقول لها روحي خذي اللي تبغيه طبعا مايكون فيها الا شئ بسيط
قولولي اش اقولها
المعذره طولت عليكم وكلامي مو مرتب
بس والله محتاره
صديقتي وتمون على بالحيل ماودي اشوفها كذا ولا اسوي شئ
هي الان في حاله مايعلم بها الا الله
ارجوكم ساعدوني عشان اقدر اساعدها