صديقتي وزوجها

الأسرة والمجتمع

مرحبا بنات انا اليوم ابيكم تبيضون الوجه وتعطونا من كلامكم الحلو وتحلو مشكله صديقه لي

صديقتي ذي كانت معاي من ايام الدراسه المهم دارت الأيام وانا تزوجت وهي تزوجت وراحت لمدينه ثانيه وكلن لها بحياته بس بين فتره والثانيه نطمن علىى بعض

المهم صديقتي هاذي ماخذه زوجها عن حب ويحبون بعض مررره ومازالو بعد اربع سنين زواج:icon28:

المهم امس انا معاها ساعتين عالتلفون دقت علي وكانت متضااااااااااايقه وتبكي:icon33:

انا انقجعت عليها يابنت الناس وش فيكي خير قالت ( تعبببببببببببببببببببببببت من زوجي)

انا قلت بس خانها اكيد<<<<تفكير حريم هيهاات:42:

عاد الحين ببدا بالجد وعلى فكره بعد ماخلص الموضوع بعطيها الرابط وهي تقرا الردود بنفسها
بس بيضو وجهي عاد ونبغى كلام حكيييييم


نجي للمشكله الي هي اساسها زوجها
تقول حياتنا ماعليها خلاف نحب بعض ايه نموت ببعض ايه
لكن كل واحد بطريقته وهو طريقته جدا متعبه وجارحه للحرمه

اساس المشكله الي فجرتها كانت سخيفه جدا بس مع التراكم حست انها خلاااص بتنفجر

تقول قبل كم يوم كان بره وكنت ابغى اغراض فقلتله خلاص وانت راجع كلمني اقولك عليهم
يوم جاة الساعه 9بالليل دق وقال ها وش الاغراض قالتله ابي من البقاله بس خبز همبرجر وشاااني فقططط
قالها اوكي المهم جاة الساعه 10وهو لسى ماجا دقت عليه ها وينك قالها بالسوبر ماركت بس زحححححمه قالت اوكي مع ان الاشياء ماكانت محتاجه سسوبر ماركت وقلق كلها البقاله الي جمب البيت وانتهينا المهم تقول انا كنت جوعاااااااااااااااااانه((على فكره هي حامل ))تقول هو طالع وعارف اني جوعااانه موت وقمت جهزت العشا وقليت القلي بانتظار بس وصول ((السيد خبز)) تقول والأخ تأخر وكل مادق يقول عند الكاشير لحد الساعه 12 لاحظو من متى
تقول باخر مكامله كلمته وكنت خلاص منهاره جوع ومقهوره من هالتأخير لما كلمته قام يزعق علي ويقول قلتلك جاااااااااااااااي انا موب بزر هو يحسبها منتظرته هو على احر من الجمر وهي تقول والله اني بس منتظره الخبز لاني ابي اكل ولافكرت فيه
لما دخل الأخ البيت اول شي لقت ان الاشياء جايبها من بقاله مو من سوبر ماركت
ثاني شي قام يحط اغراضه بكل عصبيه ويرميها عالطاوله ومعصب مني عشان كل شوي ادق

تقول انا مالقيت نفسي الا مسحوبه عالمطبخ وقعدت اصيييييييييح من القهر لانه اول مادخل قالها يووووه يعني ممنوع اطلع شوي تقول انا ماكان تفكيري كذا كل الي كنت ابغاه اني اتعشى وانام لاني تعبانه مرره المهم تقول حتى العشا انسدت نفسي عنه وحطيتله هو عشاه ودخلت غرفتي بكيت لحد مادخت ونمممممت
تقول انا انقهرت ثلاث ساعات تقول عند الكاشير وبالنهايه الاغراض من البقاله؟؟ يعني وينك كل هالمده
المهم قام الصباح للدوام وانا نمت ولاتحركت
على الساعه 11 تقول قمت لقيت مسج منه بس مكتوب حبيبتي تقول وقعدت اشاور ارد ولا لا عادة طيراااااااان ارد تقول ارسلتله((هلا))<<<ثقل حريم
فارسلها هلا وغلا
تقول انفجرت زياده على بالي بيعتذر عن موقف امس بس ولا احد جمبك تقول وماصدقت على الله وارسل كل الي بخاااااااطري
بس تقول كني ارسلتها لجدار مافي اي رد
العصر تقول رحت لاهلي لن كان بيجوهم ناس وعلى اساس انه بيجي يتغدى هناك بعد الدوام وجا وهي كانت مربوشه مع امها واختها ومومعطيته وجه
بس تقول يتكلم عادي ولا كن شي صار وهي تقول انا ماحب كذا ((يعني بالعربي يكره يعتذر او على الاقل يبرر تصرفه)) بس تقول لما يتكلم ارد على قد السؤال وهو يبيني اضحك وعادي

لما رجعو البيت تقول سار يتكلم معاها ها وش صار من جا ومدري ايش تقول وانا يرتفع ظغطي زياااااده ياربي ذا اللآدمي ليش كذا المهم تقول فجأه لما شافني ساكته قام يهاوش وقالها ترى والله اقلب عليكي خلاص عااد ضحكنا مزحنا وانتي ولامعبره تقول انا هنا التفت عليه وقلتله لا ياشيخ وش تسمي تصرفاتك اقلها اقلها تعال قول مبرر واحد قالها بعصبيه ان السوبر ماركت كان زحمه فرجعت الاغراض وانا عند الكاشير انتظر وطلعت للبقاله
تقول قلتله لو انك من امس قايل هالكلمتين كان ماصارت مشكله
تقول وعطاني ظهره ونام وانا اطررررررطع تقول المشكله الأدهى والأكبر اني كنت مشتاقتله مرره بالذات اني تعبانه مع الحمل
فتقول قعدت اتقلب اتقلب بالنهايه ماشفت نفسي الي ماسكه ايده((تقول انا بخاطري انه بيحضني او يحسس علي لانه عارف اني تعبااااااااانه)) بس تقول تفاجأت ان ردة فعله كانت بااارده مجرد انه مسك على ايدي مع العلم انه كان لسى صاحي

تقول شلت يدي ودرت ظهري ونمت وانا مقهووووووووره يار بي ليش مايحس فيني ليييش
كالعاده قام للدوام وهالمره مارسلها مسج ولا شي ولادق تطمن عليها وهي تعبانه
تقول رجع البيت وانا كنت بطق من الطفشششششش تغدينا تقول واحنا نتغدى قلت يابنت لطفي الجو قمت لقمته لقمه بيدي تقول وضحكت قام هو على طول قالها ها ماقلتيلي وش صار امس مع الي جو يخطبون اختك تقول انا طرطعععععععععت الحين بدل ماتتكلم عني وعنك وتحسسني بشي تفتح مواضيع عن العالم تقول وارجع اكتم مرره ثانيه وهو يسأل وانا اطنش من القهر وسيدا دخل نام((تقول انا قلت بسوي نفسي فيني نوم وادخل انام جمبه يمكن يحن علي)) وتدخل وتنسدح لكن لاااااااااا حياة لمن تنادي وهو لسى صاحي مانام تقول قمت مقهوووووووره خلاص ماعد فيني وطلعت بره
لما صحى من النوم قالي وش فيكي في احد مضايقك(( لاياشيخ)) قالتله ضايق خلقي وطفشانه:(
المهم قالها يلا تبي تتطلعي يلا تقول قلتله لا مابطلع ((تقول انا عندي سبب مايخليني اطلع ولا انا بموت عالطلعه تقول لما يطلعني كذا واحنا متزاعلين تقول نقعد بمول ولا شي وسااااااااااااااكت ماينطق بحرف اللهم يشوف الي رايح والي جاي تقول اقوم انا مطرطعه واقول برجع البيت وارجع متنكده اكثر من اول تقول لما يطلعني مايتكلم معي مايقولي وش بخاطرك قوليه مايسألني ليش زعلانه
فتقول لما قالي يلا تطلعي قلتله ماتفرق طلعت ولا قعدت كلها واحد لاني حتى لو طلعت كني طالعه لحالي مامعاي احد
تتقول اتوقعته بيقولي شي او بيطيب خاطري
تقول قال اجل انا طالع بروح لامي تقول مانقهرت انه بيروح لامه تقول انقهرت لانه شايفني طفشانه وحملني كلمة نطلع جميله وثاني شي ان عمره ماراح وسط الاسبوع لامه حبكت اليوم بس عشان يبعد عني المهم تقول هو طلع من هنا وانا انفجررررررررر صيااااااااااااااح من همي

عاد هذا الوقت كلمتني وكانت تشكيلي وبعدين بالليل ارسلتلي (( تخيلي دخل الساعه 12حط راسه ونام حتى ماسلم علي)):icon33:

فيابنات هي تبغى المشوره يمكن بنظر بعض الناس المشكله تافه لكن لو فكرنا بالموضوع في بعض الصفات تخلق فجوه بين الزوجين ومع الايام تكبر لحد مايسير في حاجز

يعني المرأه متطلباتها غير متطلبات الرجل المرأه حتى لو عاشت من غير جنس بس ماتقدر تعيش من غير حنان وعطف بعكس الرجل

الزبده بالموضوع تقول انا الي تاعبني انه لما نتزاعل نستعد يقعد شهر مايكلمني وعادي عنده اهم شي انا الي اراضي مو هو حتى لو هو الغلط
ثاني شي يكره يقول ليش سوا او ليش عمل يعني لما يتخانق معها يرجع يروق بعد شوي وبكل بساطه يبغاها تروق ولا بتكبر المشكله لانه بيمسك راسه
ثالث شي مايحب يتناقش بالمشكله ولايحب يسمع هي وش فيها او وش بخاطرها واذا سمع تقول ياخذ الموضوع مزح تقول اكون اتكلم ومنفعله بالكلام الاقي هذا يسويلي حركات بهلوانيه بوجهه ولا هو معبر كلامي ولما اعاتبه يقول هذاني اسمع ولما يسمع يمسك يدي وخلاص وبسس ويحط راسه وينام ولاااااا كني كنت اتكلم
تقول وبس هاذي سارت حياتنا ولما اقوله سولف معي يقول وش اقول ؟؟:(

بنات هي من جد تعبانه تقول احس اني قطعة اثاث بالبيت مو راضي يعبرها ولاهو راضي يتغير وشغله الشاغل عمله كل مخه عمله لو يدق مديرهم الساعه 1رد عليه تقول لكن انا ياااويل ادق وهو معاهم تقول يحسسني كني خويته مو زوجته

المهم الحين مازالو متهاشين عالسالفه ال ذكرتها وهي تقول خلاص مليت لايمكن ارجع اراضي نفسي يحسسني بقيمتي شوي ويجيني
12
3K

يلزم عليك تسجيل الدخول أولًا لكتابة تعليق.

تسجيل دخول

&&هايدي&&
&&هايدي&&
شوفي اختي لما قالها لطفي الجو شوي وسأل عن الضيوف اللي
بيجونهم كان عشان يبدأ بالحكي وشوي شوي لين يوصل للكلام الحلو
بس هي ماعطته فرصة لو حاكاها مرة ثانية تاخذ وتعطي معه وتشوف لوين يوصل بالحكي

وبعدين ياعيوني ترى الحمل مأثر على نفسيتها كلنا نمر بهالفترة الصعبة
والنفسية ززززززززفت بس الله يجعله على اجر

والله يهون عليها ويفك ازمتها مع زوجها....
أيامنا والليالي
الله يصلحهم وينور قلوبهم ...اختي لابد من التغابي في قليل من الامور في الحياة الزوجية عشان تمشي تمام ... هذا زوجها جنتها ونارها زبعدين الحمل مأثر على نفسيتها كثير ... وبعدين الرجل معروف عنه مش رومانسي مثل المرأة عشان في كل وقت تبي منه الحنان... الله يهديهم ويصلحهم
كان على بالي
كان على بالي
اغلب الرجال كذا ترى ماايركزون على الاخطاء قوليلها الرجال عندهم اهم شي تخلينه يعيش جوه ماايفكر في الماضي يعني لو انتي زعلانه بينيله في نفس الوقت وبعدها انسي الموضوع لانك بتتبهذلين اذا ضليت بهالحاله لانه تلاقينههه من جد مو علا باله ويحس انك جايبه الهم لروحك انتي عاتبيه باسلوب حلو يمكن ياثر فيه والله لا يجيب الزعل بينكم يارب
شانتيلا
شانتيلا
شوفي حبيبتي بدون زعل صديقتك هذي ياأما انها بزر
ولا تشوف افلام رومنسيه بزياده
قولي لها تحمد ربها وتشكره
مادام هو يصلي ويخاف ربه الحمد لله
بعدين الرجال يحتاج يجلس مع نفسه كثير
مو مثلنا حنا الحريم نبيهم بس يقولون كلام حلو ونتحكم فيهم
خليها تكون واقعيه وترا مو حلو الوحده بس تتزعل قسم الرجال يكره اللي على اي شي تزعل بعذره يحب يطلع من البيت شكله لاقال وخري زعلت
المهم خليها تتعوذ من ابليس وتوسع صدرها وتعيش حياتها موتدور اي شي عشان تزعل
خليها تطنش وتشوف شلون بيصير يتشفق عليها

يعني لو تلاحظين وتتدققين بالكلام مافي مشكله واذا اللي مظيق صدرها انه ما يتأسف عادي كل الرجال كذا
&quot;النجمه الورديه&quot;
حبيبتي صاحبتك مررررررررررررره حساسه والسبب الاكيد من الحمل ومشكله زي هذي ماتستاهل كل هالزعل اللي يزعل على كل صغيره وكبيره مايمشي بحياته قوليلها ترجع تكلمه عاااادي ولاتصير انسانه زعول والله كذا ترتاح والله يوفقها ويسخر لها زوجها وللمعلوميه الرجل يطفش من الحرمه اللي دائما تتزعل خليها تكون بشوشه ومرحه والله هو اللي بيصير يدورها..