صديقتي وزوجها والصابون !!!

السلام عليكم ورحمة الله وبركاته
صديقتي استشارتني في موضوع وانا والله ماقدرت اساعدها فاستأذنتها اطرح مشكلتها هنا وهي بتشوف ردودكم ويارب تلقى عندكم الحل لمشكلتها
صديقتي كانت مطلقه من 10 سنوات ورزقها الله بعريس وتزوجت قبل سنه
في فترة الملكه تقول لاحظت لمى جاء يزورها ان الرجال مبهذل والريحه 😷 تقول حاولت اتعذر له في قلبي مع ان ماله عذر
تقول الزياره الثانيه نفس الشي ولمى كلمت انها قالت لها انتي مدلعه تبغي اي عذر عشان تفركشي الزواج وكذا وهي تقول والله شي لا يطاق وكل شكاويها لاهلها محد سمعها وتزوجته تقول من ليلة الزواج وبرضوا لازالت الريحه والبهذله موجوده مع ان راتبه جدا ممتاز ووضعه تمام بس مبهذل وريحته تقول لمحت له وصرت اشتري ادوات نظافه واحطها في الحمام واقول له هذي لي وهذي لك تقول اشتريت له ملابس جديده ورميت القديمه كلها بس زعل وقام يخاصم وانتي وش دخلك فيني ومن ذا الكلام وما لبس اللي جابته راح اخذ له ملابس تسد النفس وجابها
وفوق كذا بس يكلم في ذا الحريم وانا قلتلها لانه طول مطلق اتوقع كانت عنده علاقات بس استغفرالله وش يبغون فيه وهو كذا 😷
وتشكي من بخله تقول ما يحب يطلع ريال تقول شهر العسل قاعده يا بيت اهله يا بيت اهلها واذا تمشوا وداها البحر هي مره تعبت وتفكر تطلق وانا اقول لها لا تستعجلين واهلها رافضين كليا فكرة طلاقها للمره الثانيه وهي جدا محتاره تقول والله حتى النومه معه ما اقدر من قوة الريحه واخر اسبوعين رفضت تنام معه لو ما تنظف وتقول باقي صامل عالوسخ لاهو تروش ولاهو قرب منها
ارائكم يابنات الله يسعدكم ويوفقكم