صديقتي وزوجها و الغربة

السلام عليكم
بما اني مغتربه قريبا واسولف مع صديقتي الي بتتغرب بعد
بنسافر لامريكا انا محرمي اخوي واهي محرمها زوجها وبنص الكلام اطلبت مني رايي وبصراحه قلت لها ماراح اجاوبك بعرض موضوعك على المغتربات هن ابخص لاني منفصله عن زوجي واخاف اقول لها شي بناء على تجربتي ومايكون صحيح وتجربتي كانت سلبيه وم كافيه انصحها فقلت بنزل لك موضوع هنا
صديقتي رايحه دراسه برى دكتوراه في الكيمياء هي ماشاء الله تبارك الرحمن ذكيه مره ومتوفقه
تزوجت من ست شهور من زوجها
تقول زوجها كسول مره ومايتحمل مسئولية هو يقرب لها ولد عمتها وسبق تزوجت وزوجته الاولى اطلبت الطلاق لانها ماتحملت بخله واهماله وعدم تحمله للمسئوليه وبعدها بعد ارتبط بوحده بس خطب ومدري وش صار وفركش وعقب صار من نصيبها ت
تقول انه من النوع الي يتكل عليها بكل شي المصرف وانهاء الامور والبيت تقول كسول مره ويحن عمره وزعول لو تقول له جيب الشغله الفلانيه زعل واناني درجه اولى طبعا هو مبسوط انها ببتعث علشان يبغى يدرس على حسابها وتقول ادري انه ماراح يكمل لا مساتر ولا دكتوراه لانها عارفه مستواه وانه حاول يكمل بمصر بس ماقدر مهب راعي دراسه راعي قهاوي وطلعات واستراحات يومه كله يروح كذا
وشارط عليها ماتحمل لمده ثلاث سنين وهي موموافقه على شرطه بس الحين هي متردده
تقول ودي فعلا ماحمل لاني شاكه باستمراريه علاقتنا
هي ببتغرب الحين معاه وهو متحمس للغربه تقول هو مبسوط يحسبها سياحه وسفر
وهي متخوفه مره من الغربه
تقول وانا عند اهلي ماقام فيني ولا اهتم لو امرض لو اموت ماهمه
وعينه زايغه ويموت بالقهاوي
وش بيصير بالغربه وش بيسوي فيني
تقول احسه مايحبني ولا يرحمني ودايم يعايرني ويستحقرني
صديقتي هذي جميله واخلاق وعلم جد مدري ليه يعاملها كذا
تقول جا وقت قلت انت الرجال اصرف وجب تقول اقتنع وبعدين جاها وخذا اغراضه زعلان وبقى يطلقها يقول انتي ماتعرفين تتعاملين ومو متربيه وتبيني اتعب وتبين تستغليني عقب راضته وقامت بنفسها وماعاد تطلب منه شي
اهي طلبت مني استشيركم بشيين
تغامر وتروح معاه بعثه وتترب معاه لعل وعسى يتعدل
او تاجل بعثتها شوي وتشوف تكمل معاه ولا لا
لانها منقهره منه لا مصروف ولا يقولم فيها ويوديها ولا يجيبها ولا حتى يبغى منها عيال
تبي رايكم