من الآن لا تعطينها وجه
لا تردين على مكالماتها

ولا تفتحين الباب
هذي وين زوجها مهملته وطبيعي عيالها يصيرون كذا اهمال في اهمال ودوجان
نصيحتي صكي بابك بلا صديقة بلا وجع راس
الجيران كل شهر مرة وصديقة نفس الشيء ومع الجيران لا تعطينها وجه تتجاوز حدها
وبنفاسك ان ما رحت لاهلك وعرضت مساعدة قولي لا ما احتاج احد مشكورة

أنا آكره ماعلي قولت ماتبي عيالها يقالهم شي
يا ثقل طينة ذا النوعيه الله لا يبلانا
بس عن نفسي ماعندي بأحد وللي مايبي عياله يقالهم شي لا يغث الناس بهم < كني
عصبت شوي بس حسيت فيك يا ما واجهت من ذا الأشكال
أولهم الله يسلمه و يطول بعمره أخوي الله لا يبلانا عنده عيال يفتحون الراس
و لا أجتمعنا ودنا نسولف نهرج نتحدث نتسامر ما يخلونهم يلعبون مع الصغار بس حوسه وصراخ دلع بينا
عاد أنا ما أتحمل أقوله يا خوي سكتو البزران ع الأقل قولو أص خلونا نعرف نسولف
بس ماش تقل أتكلم على نفسي من النوع ألي يبان على وجهه أنه تضايق من النقد !
وذي صديقتك الله يصلحها يختي صح هي فيها مميزات و أيجابيات لكن ساعات
سلبيه أو ثنتين تخليك تكرهين عمرك معليش صارحيها يختي أقلها قولي
زوجي يتضايق من البزران و لا يبي الأزعاج و دقيها بالكلام قولي شاف قطعة الأثاث
مكسوره بعد ماجتمعو الصغار و أنجن يمكن تهاب زوجك و لا تعتب عليك ...
مثل جاره لي الله يذكرها بالخير ما جابت لي خبر لين قلت زوجي مايتحمل
الأزعاج عقبها هجدت ...

و بخصوص أنها تعرض عليك طلعات و روحات و هجوله عاد ذي يبغالك تصبرين
و تستمرين بالتصريف لين تغسل يدها من هالموضوع و تستوعب أنه مالك رغبه ..
معليش كوني واضحه وصريحه معها وخلي صراحتك لطيفه أن عجبها زين
ما عجبها أقلها بترتاحين من القلق ...

بخصوص جيت بنتها عندك كل يوم لا توافقين أبدا
اذكر كان في جاره لامي الله يذكرها بالخير كانت ترسل بناتها الثلاث كلهم عند امي بشكل شبه يومي وكانت امي تستحي تقول لها شي والله يا بنات لدرجة بنتها الأخيره كانت صغيره كانت تتبول على الفرش حقنا وصلت فيها لدرجة انها اذا جاها ضيوف والله يا بنات انها ترسل ضيوفها عندنا وترسل بناتها وعيال الضيوف عندنا وكانت تسكر بيتها وتجي هي وبناتها وضيوفها وعيالهم عندنا
اذا لم تستحي فافعل ما شئت )))))) نصيحه لا تجاملين كثير

مزعجة فعلا >> ي كثرهم هالنوعية

واذا عيالها ضربوا بنتي وصاحت تقول طنشيها ترا تدلع