صديقتي ومشكلتها اللي مالها حل

هاذي مشكله صديقتي اللي مالقيت لها حل انصحها فيه قلت استشيركم فيها لانها خلاص اليووم تساببت هي وزوجها لين وصلت للطلاق
هي طبعا ساكنه مكه وماهي من اهل مكه وتوها لها من جات مكه لها من بدايه السنه الهجريه تقوول اي احد من جماعه زوجها اخوانه او اولاد عمه او خالاته او قرايبه يبي ياخذ عمرررره لازم يمر عليهم ياغدا ياعشى تقوول من سكنت هذا وضعهم تقوول وانا اعدي وامشي تقووول لدرجه يجوون يترووشوون عندها وبجحين جدا احيان يحطوا اغراضهم واخواته وسلافتها يخلو الشغاله بعيالهم عندها تقولي احيان مايعطوونا خبر الا اذا قدهم بطريق الهدا نازلين وقربوا منهم ماهي قادره تستقر تخاف اي احد يجي بس كانت ممشيه بس وصل المووضووع حده رمضاااان هذا تقول يوميا يافطور ياسحور واحيان الفطور والسحور وحريم ورجال ولسى ما انتصف الشهر وزوجها راح يتسلف مع انها ماتكثر بس هم عوايل واحيان عايلتين انهد حيلها من الكرف اليووومي خصووصا محد يساعدها يادووب يغسلو يدهم من الفطوور وعلى الحرم ويبغوا يجوا والقهوه جاهزه والسحوور جاهز وهي مرره تعبت ولافي امل يجيب شغاله الماديه زفت من غير الشغلات بمكه كثير يشردون حتى لو جابتها بالشهر كذابات يشردووون وهم من المقاضي راحوا يتسلفوا بح ومن غير عندها 3 اطفال اكبرهم بنت عمرها 4سنوات و2 اولاد 3 وسنه واشقياء مجننينها الاولاد الصغار تقوول جيت اتفاهم معاه يقوولها اطرد ضيووفي والا تبغين تفضحيني بجماعتي عيال عمي واقاربي والسحور لازم طبخ بيت عيييب يجبلهم من برى لازم لحم ورز عاداتهم كذا وهي تلاعنت معاه اليوووم وسبته لانه مسكينه جاتها الدووره تقوةل من الكرف كانه نزيف وشوي الا جايب الذبيحه الضهر يقوولها اخوي وعايلته جايين وعصبت وانفعلت ووصلت بينهم للطلاق واخرتها طبخت وعدتها تقوول قابلت الحرمه عيووني منفخه ووخشمي احمر وافطرت وراحت العمره وجاء هو طبخ السحووور وجو تسحروا وناموا وهي تبكي الان وتجهز باغراضها تقوول والله مجلس عنده صحتي ماتتحمل وتستنى الصبح تكلم اخوووانها يجون ياخذوووها