صديقتي وولد عمها

السلام عليكم ورحمه الله وبركاته

بقولكم سالفه صارت لصديقتي ومحتاره وش تسوي

ولد عمها كان يحبها وهي تحبه من يوم كانوا صغار اكلوا وشربوا ولعبوا مع بعض كبروا صارت البنت تحبه زياده وتتمناه انه يكون لها ومالها الا انها تدعي وكانوا لما يروحون مكان عام مع اهلهم يبان من حركاته ونظراته لها كان يعرف اخبار بنت عمه اول باول وطبعا خواته يعرفون انه يبيها بس في البدايه يحسبونه ىيلعب عليهم لين بعدين قالهم انا احبها وابيها وطبعا خواته مو كبار مره وحده متوسطه وثانيه ثانويه

كان يسولف مع بنت عمه على المسن ووالوات على اساس انه خواته وهي ماتدري عنه كانوا يسالونها بنات عمها تحبينه وتكابر وتقول لا مابيه وكانوا يحاولون يقربونها له عشان اخوهم بس البنت مابينت لهم انها هي تبيه بعد

وجت فتره ابو البنت سالها لو يتقدم ولد عمك لك بتوافقين قالت الي كاتبيه ربي بيصير قال ابي اعرف رايك فيه بتوافقين او لا وقالت لبوها هو راعي صلاه واخلاقه زينه ولا يدخن ومافيه اي عيب بوافق عليه قالها ايه هو ولد عمك ويصلح لك واذا الله كاتب لكم نصيب الله يوفقكم وبقوله اني وافقت


وبعد فتره يجون بنات عمها ويقولون لها انه يبي يكلمها ويقنعونها وهي رافضه وبعدين كلمها على الوات وقال لها انه يبيها ويحبها

وقال لها انه يبي يتواصل معها ورفضت وقالت اذا تبيني تجي مع الباب

وراحت تقول لخواته لان تسولف دايم معهم في كل شي

وبعد فتره رجع وكلمها وقال لها انه يبي يتزوجها بس بدايت السنه لانه مو قادر الحين

وعرفوا خواته انه كلمها وجلسوا يهددون البنت انهم يعلمون اهلها وهم كانوا يقنعونها تكلمه


ولا ادري من الغلطان صديقتي ولا ولد عمها الي يبيها ولا خواته الى اقنعوها تكلمه والحين مايبونها تكلمه