كوبونات الراقية تسجيل الدخول

حبيبة قلـــبو

صديقتي و زوجها و الحشيش

الأسرة والمجتمع •

صديقتي متزوجه من سنتين ونص وعندها ولد عمره سنه تحب زوجها حب جنوني وماعندها شك بحبه لها
بعد زواجها بفتره قصيره لاحظت احتكاك زوجها بواحد أكبر منه بكثير هو عمره 28 وصديقه عمره أكبر من الخمسين!! وزادت صداقتهم لدرجة انه يجيه البيت على أي حزه وأكثر من مره في اليوم هذا الرجال سبق ودخل السجن في قضية مخدرات وزوجها ساعده لحد ما طلع وأي وحده مكان صديقتي أكيد بتشك ان زوجها ماشي في نفس درب صديقه لكن صديقتي كانت واثقه في زوجها ومستحيل تشك في أخلاقه خاصه انها تحبه حيل
المهم مره صديقتي لقت بالصدفه في مجلس الرجال ورقه مطويه وبداخلها شي بني وبجنبه ورق اسمه ورق الشام طبعآ البنت على طول عرفت انه حشيش أخذته معها وخبته عندها وراحت واجهت زوجها قام عصب عليها وهاوشها وقال بسرعه طلعيه قالت رميته من القهر قطعت الورقه باللي فيها ورميتها بالحوش قال بأي صوب رميتيها قال طيرت بالهوا معصبه ماأدري وين رميتها _ هو كان معصب بس قالت رميتها هدأ قالت له انت عصبت عشان راح منك الحشيش خل فلان(صديقه اللي خبرتكم عنه)يجيب لك قال أصلآ أنا بنفسي اجيبه (لاحظوا اعترف) هي بس سمعته قال كذا أخذت جوالها ودقت على أمه تخبرها طبعآ مادقت على أهلها دقت على أمه من باب انها يمكن تعقله _ هو بس سمعها تكلم أمه قام صوبها وضربها ضرب قوي قوي صاحت منه بقوه
قامت بصعوبه من عنده بعد ما شال يده عنها بالغصب وراحت تدق على أبوها يجي ياخذها لأنها ماعاد تحتمل العيشه مع هالآدمي خاصه انها كانت تثق فيه وصدمها
في السياره حكت لأبوها السالفه
طبعآ زوجها ماكلف على نفسه يجي يعتذر وياخذها بس يدق عليها وهي طبعآ مابترد لأنها مو شايفة له حجه _ يرسل لها رسايل ترد تقول تعال زي الناس لين البيت واعتذر وعاهد ربك ثم عاهدني انك ماترجع للدرب اللي كنت فيه_ رسايله كلها مافيها كلام بخصوص شرطها يعني انه مو ماخذ كلامها جد _ وهي من جد مارح ترجع لها إلا بهالشرط لاتلومونها ماعاد تثق فيه وهو بعد ماتصرف زي الرجال وجا اعتذر من عمه اللي غلط عليه ومااحترمه ولا اعتذر من زوجته.
جت أمه عند البنت عند أهلها وقالت ولدي مظلوم ودايم يجيني يبكي ويشكي من قساوة زوجته وانها مو راضيه تلين وترجع له _ حكت لها البنت السالفه وكأنها ماصدقت قامت ورتها اللي لقته قال طيب اسكتي عنه وخليه لاتزعلين لين يجي عندك ويقول حششي معي!! ولا تجين عند أهلك لين تجيه الشرطه تاخذه!! بالله وش رأيكم في ردها؟!
وقالت ان ولدها كان بيجي لعمه بس مالقى سيارته عند البيت (مو حجه لأن عمه مايطلع كثير والجوال موجود بأي لحظه يقدر يدق عليه ويقول بمرك البيت) بس الظاهر انها كذبه من أمه
المهم طلعت العمه وهي تقول للبنت طفي النار ولاتزيدينها.
الولد رجع يدق بس ماترد لأنها ارسلت له انها مارح ترجع الا بشرط يتوب وهو شكل ماعنده نيه يتوب وهي مستحيل ترجع له وماترجع معها ثقتها فيه وثقتها ماترجع الا بالتوبه والابتعاد عن اصدقاء السوء فشافت انه ماله داعي ترد دام مابين ندم أو خطا خطوه في مصلحتهم أو قال خلاص بتوب أو عالأقل بحاول أتوب.
من بعد اليوم اللي جت امه عندهم مارجع دق الا بنفس اليوم والأيام اللي اللي بعدها مادق ولا أرسل (هي جت بيت أهلها الجمعه وآخر مره دق الإثنين)
أبوها يبيها تتطلق لأنه منقهر من بروده وانه ماجا حاكاه وهي بالأول كانت موافقه أبوها بس بعد مافكرت في نفسها وفي ولدها تراجعت عشان صعب عليها تحمل لقب مطلقه في وسط هالمجتمع والشي الأهم ولدها اللي متعلق في أبوها وتذكرت انها بعد كم سنه بيكون مع أبوه وتنحرم منه

أتمنى تساعدون صديقتي وتشورون عليها وتدلونها وتعطونها آرآءكم لأنها محتاره وماتدري وش تسوي
19
3K

يلزم عليك تسجيل الدخول أولًا لكتابة تعليق.

تسجيل دخول

فواصل 2006
فواصل 2006 •
بصراحه هذا مجرم ومدمن وينخاف منه ... واذا تبغين رأيي اذا ماعندها عيال مفروض ماترجع له ابدا الله الغني عنه
أم سياف
أم سياف •
شوفي لو ان الي لقيته صورة وحده او رقم بنت كنت باقول تلعن ابليس وترجع
بس حشيش لا لا لا هدا ادمان وممكن يجرها وولدها لطريق صعب وقتها ترجع منه
الموضوع يبغاله وقفه صارمه لا الموضوع كبير
*Fantastic*
*Fantastic* •
الله يستر عليها ! تبقى على شرطها !
مرجانة زمان
مرجانة زمان •
توقف عند قراراها اللى ما له رجعه لو بيثقل وزنها ذهب
لانه اللى بتعاطو مخدرات ما عليهم امان ممكن يدسه لها بالاكل والشرب او يشممها وهي نايمه فراااااااااحت وطي
وراح تصير على دربه يا اختى الله يحفظ بنات المسلمين ولا تفكر بتاتا وربي يعوضها اللى تستاهله ان شالله
القصه محزنه بجد
h.r.h.t
h.r.h.t •
خليها تعرف شو معنى حشيش يعني عنده استعداد يبيع ابنه ويبيعها كرمال الحشيش
وما ترجع لحد ما يتوب
وابوها عمل هيك لاني خايف عليها