صديقه

ساعدوني

السلام عليكم ورحمة الله وبركاته

اخواتي العزيزات بدون مقدمات

انا انسانه اعاني من الوحده وارغب في ان تكون لي صديقات انتم اكيد بتضحكون علي لكن والله اني صادقه وللمعلوميه انا سعوديه ساكنه في الرياض متزوجه وعندي بنتين وارجواان اجد صديقه تحتسب صداقتنا لوجه الله وللمعلوميه سبب وحدتي ان اهلي في مدينه ثانيه

واذا كان ماودكم ساعدوني فقط انكم تقولولي عن نوادي رياضيه نسائيه او اماكن يتجمعون فيها النساء ومافيها اختلاط ارجوكم فانا استحق المساعده
6
781

يلزم عليك تسجيل الدخول أولًا لكتابة تعليق.

تسجيل دخول

ملكة الياقوت
ملكة الياقوت
يابعد عمري سالفتك نفس سالفتي انااهلي في مدينه ثانيه واحس بالوحده بصراحه بعض الاحيان اجلس ابكي علي حالي ماعندي صديقات ولا جارات وزوجي يطلع الدوام الساعه ست ويرجع الساعه خمس العصر ولا اعرف احد من يوم تزوجت وانا علي الحاله هذي من اربع سنوات .
بصراحه صرت احاول اضيع وقتي في شغل البيت علشان ماافكر في اهلي وحتي بنتي ياحياتي عمرها سنتين ونصف
ونفسيته تعبانه اول ماجي من اهلي اول يوم عادي واليوم الثاني تجلس تبكي وتنادي علي اخواني وعيال اختي واذا تعبت اجلست عند التلفزيون وعلي هالموال......


الله يعينا ويصبرنا

جلست اسولف واهذر عن نفسي بصراحه زودتها بس وش اسوي لانك دقيتي عل الوتر الحساس

علي العموم حاولي انك تطلعين وتوسعين صدرك وعيالك ممكن تروحين للبراجون او الجزيرهوعندك بعد الحكير لاند وفيه بجنبها بعد منتزه ثاني نسيت اسمه او ملاهي الخيمه .والله الرياض مليان منتزهات والله خبري قديم بالرياض

ودمتم سالمين

:27:
بشور
بشور
بغداد في قلوبنا

فضي الرسايل الخاصة عندج
او فعليها

بشور
ام عليا
ام عليا
أخواتي بغداد في قلوبنا وملكة القلوب .......
أحب اشارككما وحدتكما ولكن وحدتي غير شكل ,,,,فعلى الرغم من زواجي من قريبي والعيش في أسره كبيره والحمدلله وقد رزقت ببنت وولدين ,,إلا أنه يداخلي شعور غريب بالوحده على الرغم من اني محاطه بأهلى والحمدلله .....ولكن لا أعرف سر هذا الشعور ..........؟؟؟؟؟؟
يعني الوحده ليس البعد عن الأهل بل الوحده هو شعور يتملك الانسان حتى وهو محاط بالناس واهله واصدقائه .........
وارجو ان تتقبلوني صديقه لكم من هذا اليوم ........لنفضفض لبعض ‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍‍.......‍‍‍‍
ملكة الياقوت
ملكة الياقوت
هلا بك اختي ام عليا....

في تصوري انه طبيعي يشعر الانسان بالوحده لمن ما يكون حوله بشر .
وراح يكون نهاره كدر وليله سهر ويومه شهر اه اه بس.
لكن الغريب انه يحس بالوحده واهو وسط البشر.
بكذا بتكون حياته نكد في نكد .

علي العموم الله يعينك والله ا لمن الواحد يجلس علي سجادته ويصلي ويناجي رب العباد ترتاح نفسيته.سبحان الله العظيم.
SIMPLICITY
SIMPLICITY
الله يعينكم ويسهل اموركم..

اختي اذا عندك وقت ليش ماتسجلين بدار تحفيظ والحمدلله ماليه الرياض فتجمعين الدنيا والاخره..