صديقه لي في حواء باعتني بعد صداقه قرابه ال 3 سنوات !

السلام عليكم ..

حبيبت افضفض لعلي اخفف عن نفسي وقع الصدمه وفي نفس الوقت انبهكم انكم لاتثقوا في احد ثقه عميانيه ولا تكوني طيبه زياده عن اللزوم ..

انا كنت عضوه قديمه في عام 2013 تعرفت على عضوه وصار بيننا تراسل على الخاص وهنا لفتره سنتين وشوي وانا اللي اراسل وانا اللي اهني

برمضان واهني بالاعياد شفتها زي اختي ولما اداره حواء عملوا ستايل جديد غادرت فتره ورجعت ولقت رساله مني اسأل عنها وبعد كذا

انا متمسكه فيها وقلت خلوني اقول لها نتجمع في اماكن ثانيه وبس اعطيتها حسابي بالتويتر واعطتني حسابها بالتوير والفيس بوك

صرنا مضيفين بعض بالتويتر وانا ملاحظه لها سنه متغيره جدا معاي وانا ماعملت شيء ولا عمري غلطت عليها بحرف بالعكس احترمها جدا

والمهم لما رحنا على التويتر حسيتها متغيره جدا وسطحيه جدا جدا جدا معاي وهي من زمان سطحيه معاي بس زادت سطحيتها زي ماقلت لكم

لما رحنا للتويتر وزي ماقلت لكم لها سنه متغيره علي واستمر الوضع وكنت اطنش حاجات منها تصدر مثل في عيد الاضحى هنيتها على التويتر

وشفتها متواجده ولا ردت على تهنئي الا بعد يوم ونصف بالله هذا جزائي اهنيها بالعيد وبغير نفس ترد علي .. هذا جزائي اسأل عليها باستمرار ؟؟

هذا جزائي افتح قلبي لها وحتى في القضايا السياسيه فاتحه قلبي لها ؟؟ هذا جزائي اقف وادافع عن بلدها بعد الانقلاب العسكري ؟؟

اقول ايش والا ايش !!!..

في يوم من الايام تم قفل حسابها بالتويتر وانا انصدمت وهي ماتدخل حواء الا بعد شهور طويله وقلت احتمال معاد تدخله ومعاد فيه وسيله

تواصل بيننا الا حسابها بالفيس بوك وقلت خلاص ادخل عليها واسأل عنها واطالبها تفك حسابها بالتويتر او تسوي حساب جديد وتكون متواجده هنا

وللمعلوميه ماعندي حساب بالفيس بوك ولا اعرف اسجل فيه وتعبت تعب وانا احاول اسجل فيه وابحث في قوقل طريقه التسجيل بالفيس بوك

ومن طريقه لطريقه ومابغيت اسجل وطلع تسجيلي ناقص والمهم دخلت بصعوبه بالغه واول مادخلت ارسلت لها خاص انا فلانه وارسلت طلب صداقه

حسبالي الرساله ماتجيها الا اذا طلبت صداقه والمهم وافقت على الصداقه فورا وكلمتني وفتحت صفحه دردشه وتكلمنا واحسها ماقدرت جيتي وراها

وسؤالي عنها كأنها صفعتني واحتقرتني وتكلمني باسلوب زي اللي على اعصابه وكلمه ورد غطاها وتسكت كثير وانا لما انصدم اتنح وما استوعب

انصدمت صدمه عمري فيها المهم طلبت منها تساعدني في التسجيل وقالت ماينفع وانا سبق طلبت مني خدمه انشر لها حاجات ونشرتها

والمهم اول مره قالت كويس انك جيتي للفيس وبعدين ناقضت نفسها وصارت ماتبغاني وتصرفني بكل الطرق وخرجت من المحادثه وقالت انا خارجه

وطلعت وجينا هنا في حواء وتلمح لي ان الفيس حكومتنا مانعته عننا عشان ماتبغاني ادخل صفحتها والظاهر لها اقارب وخافت من وجودي ممكن قالت

لهم انها ماتتعرف على احد من النت او هي ماتؤيد صداقات النت الله العالم وحده والمهم قالت لي الان يقولوا دي جديده ومن السعوديه واني كيف اضفتها

وانا ما اضيف احد ولا تبغى صداقات احد وانه بسببي راح الناس يطلبون منها صداقات واشترطت علي اني ما ارد في صفحتها بما يوحي اني اعرفها

واشترطت ارد برسميه واقسم بالله انصدمت جدا من اسلوبها كأنها طردتني هذا جزائي اللي اسأل عنها تزفني زفه والمهم انا حاولت اكمل تسجيلي

ايوه نسيت اقول لكم قبل ما اكمل تسجيلي جات في حواء وقالت خلاص سيبيك من الفيس بوك وخلينا على المنتدى وعلى حسابي بالتويتر الين افكه ونرجع سوا فيه

والمهم لما كملت تسجيلي بالفيس بوك فرحت وعلى نياتي ما استوعبت كل صفعاتها لي .. قمت شفتها متصله وبلغتها انه تم تسجيلي وشكلت انصدمت وقالت لازم اتخلص منها

قامت تستغل جهلي بالفيس بوك عشان قلت لها اذا سجلت خروج ما اعرف ادخل تخيلوا يابنات مباشره قالت لي طيب سجلي خروج تبغاني افارق عنها !!

واسلوب تصريف في تصريف واسوأ من قبل وبمجرد ماخرجت حطت لي بلوك وانصدمت صدمه قووويه عشاني طيبه معها يصير فيني كذا !!

وبعدين سجلت باسم جديد ودخلت عليها وراسلتها خاص وما بينت لها اني عرفت اني محظوره وبس قلت لها تعالي لحواء لحد ماتفكي حسابك واسمي ذا

مايدخلني وما اعرف استرجع كلمه السر عشاني ماني فاكره الايميل وقلت لها احتمال اسوي معرف جديد في حواء وابلغك به وعادي اكلمها وفي لمح البصر

صفقتني ببلوك ثاني احسها محروقه مني ومو طايقتني نست العيش والملح اللي بيننا نست نصرتي لبلدها في احداث الانقلاب العسكري

والمهم صرت زي اللي فاقد الوعي من قوه الصدمه وصرت ادخل باسماء جديده لصفحتها اتفرج وامشي وعلى طول لغت حسابها من محرك البحث قوقل

وغيرت كل شيء وصفحتها وصورتها الرمزيه وكل شيء عشان معاد اشوفها ومن ساعتها اختفت من حواء وشاكه انها تدخل هنا بس بدون ماتسجل دخول

تخاف اكلمها مادرت ان الصفعات اللي جاتني منها كافيه ياخساره الله عديتها اخت واخرتها تطعني في ظهري ..

والتويتر مافكت حسابها واختفت من حيز الوجود لها الان 6 شهور مختفيه ..

هذي نهايه اللي يخلص واللي يطنش واللي مايراعي ووووو آخرتها تأكلي على رأسك .