صديقيتي مكمتني للتو تبي نصيحه ولكم دعوه في هالليله

السلام عليكم راح ابد بالموضوع على طول بدون تنسيق
هذا صديقتي وقريبتي في نفس الوقت دقت علي مره صوتها يضيق الصدر ولزمت عليها الا تعلميني وش فيها وقلت لها بكتب لك في عالم حواء اكثر خبره وتدين مني المهم البنت ماشالله عليها اخلاق والتزام وتخاف الله ووحيده اهلها ومثل اي بنت تاخرت في الزواج عمرها الحين 30 سنه اساسا هي ماخطبها كثير يمكن من ناحيه الجمال اقل من عادي بس هي مومنه انه رزق من رب العالمين وان نصيبها راح تاخذه غصب من عليها وربي مختار لها الاحسن تقول وزي اي بنت نفسها تاخذ ملتزم واخلاق شرطها الوحيد محافظ على الصلاه فقط ماتشرطت بقوه تقول كل الي خطبوني واحد ولد عائله وتاجر وابوها يبيه ابوها مره حبوب وعلى نياته تقول يوم سالت عنه قالوا مريض نفسي ومامدحوه الناس طبعا رفضته بعد الاستخاره والثاني مطلق والثالث ابو عيال والرايع مامدحوه والباقي بدو وهي حظر بس تقول ماابي بدوي موب قصدها شي او استنقاص بس تبي حظري مثلها ماابي المهم ابوها كبير بالسن تقول اليوم انهرت ابوها حبوب ومدلعها بس يقول انا امنيتي اشوف عيالك قبل مااموت ميب حاله كل الناس ترفضينهم قامت قالت يبه والله لك الي رفضتهم فيهم شي قال مافيه انسان كامل وانا خايف عليك بكره من تقعدين عنده وفلان بقصد المريض النفسي هذا هو تززوج بنت اكبر عائله قلت تدري عنهم انهم مبسوطين يمكن عايش في عذاب قال البدو ترفضينهم وفيهم رجال قلت ماابي بدوي ابي من جلدتي المهم قال ابوها اصلا انتي فيك حاله نفسيه 0هي مره جتها وظيفه وتركتها على طول تقول ماقدرت اكمل اذا ر حت حسيت اني مخنقوه وبعد الاستخاره تركتها قال من شفتك تاركه الوظيفه وانا قلت البنت مسكينه فيها حاله نفسيه تقول بكيت وش خاله نفسيه انا انسانه طبيعيه وهل الرفض وترك الوظيفه يصير فيه حاله نفسيه وهي بالعكس مومنه ومقتنعه بقوه ان نصيبها ماجا وقالت لابوها نصيبي ماانكتب قال لا انتي الي متسببه في نصيبك جا ورفضتيه تقول قمت اوسوس هلا نا متسببه انا مومنه اني ما اراح اموت قبل مااستوفي رزقي وهي مومنه ان جلستها وتاخرها خير من زوجها وان ربي كاتب لها الاحسن بس تعرفون رجال وكبار سن اهم شي انها تتزوج بغض النظر عن الباقي وترعفون الرجال مالهم الا الظاهر تقول قسم يمدحون الناس رجال فيهم بلاوي الدنيا ومشكله ابوها حبوب وعلى نياته مايتعمق زين في السوال وهي بدورها تسال وغير كذا ابوها يوقلها الناس ماتركوني في حالي يولون انت الي موقف في نصيبها تقول حسبي الله عليهم وش دخلهم فيني احد شطى لهم
وشي ثاني هي اساس تكره طاريا لزواج وتخااااااااااف منه بقووووه وتكره اكثر شي العلاقه الخاصه تقول لاني مره شفت اهلي واناصغيره وعقبها جتني عقده نفسيا 0هينا نصيحه لكم انتبهوا لاتسوون اي علاقه قدام عيالكم ولاتقولون صغار او نايمين شوفوا هي كم عمرها والا الان متعقده يعني لو تنخطب تفرح انه مايتم طبعا اذا سالوا وكل شي موب ترفض من االياب للطاقه بس تقول احسه هم وانزاح الحمدلله قرت على نفسها تقول خفت انه عين او شي مم يوم انخطب صياح وهبال طبعا مايشوفونها اهلها تقول مااصدق انه راح او لقيت عليه عذر تقول ودي اتزوج علشان ابوي بس نفس الوقت مااحب الرجال واحس اني مااقوى على الحمل والولاده احسها شي صعب تقول بس لو يجي مناسب بغصب نفسي وش اسوووي تقول هل هي طبيعيه او فيها حاله نفسيه هل انتم يالمتزوجات اذا انخطبتوا كذا وشايلين هم وصار عادي وش ثاني تقول الحمدلله ماضاق صدري اني ماتزوجت تقول وضعي خيره وافضل لي وربي مختار لي الاحسن وان شالله انه ابتلاااء بس هل يكون ابتلااء وهي اساس مالها رغبه بالزواج بس اذا بتوافق علشان بعدين مالها احد وعلشان ابوها يفرح
وغير كذا تقول انا اشيل هم كل شي مو الزواج وبس كل شي همامه بس الزواج درجه اولى تقول هل انا طبيعيه او تعتبر حاله نفسيه اخاف اتزوج واورط ولد الناس بلييييييز تبي حل
وسيت اقولكم ابوها وامها يدعون لها بس يقولون انتي الي متسببه على نفسك والحمدلله تدعي وتتصدق


هذا الرد اضفت كلام لها بتوضح اللبس تقول
انا الحمدلله كاي بنت احلم بالاستقرار والاطفال بس تقول كل شي خيره ولاضاق صدرها من تاخرها بس ضاق صدرها انها مضيقه صدر ابوها وتشوفه يتقطع قلبها علشانها وخاصه هو مارزق بااولاد تقول فوق همي بنت وحده ازيد همه بجلستي عنده ونفس الوقت صعبه اضحي بعمري باانسان ماخش مزاجها وهو نفسه يشوف عيالها لانه ماعندها عيال بس تقول وسوست هل انا متسببه في رزقي تقول في بالي ان رفضي لهم شر وانصرف لو رايد ربي اخذهم غصبوني اهلي وتقول الحمدلله كلما اشتدت الظروف علي وجاني كلام تقول احس بسعاده داخليه فيها الم اقول اقول في نفسي ان مع العسر يسرا وماتضيق الا تنفرج واعظم لاجري واحسن لحظي تقول ماادري فكرتي صحيحه وشعوري في محله والا انها فاهمه الابتلاء غلط