صديق أو بلا صديق ... نصائحكم و تجاربكم مع العلاقات الاجتماعية بغربتك

بنات بالبداية أحب أشكر من نصحني و ساعدني بمشكلتي الأولى ...


http://forum.hawaaworld.com/showthread.php?t=2640857

و الله يسامح من تعدى علي بالكلام ...

أنتم لا تعرفوني ولا أعرفكم إلا من خلال الشاشة ... فلا بأس إن مدحت نفسي ... أنا أحب أربي نفسي و أأدبها باستمرار ... بعض البنات قالوا على مشكلتي بأنها طبيعية و أنا مكبرتها .. ممكن

لكن لم اسمح لنفسي بأن أعيش مربوطه بهالوضع و ذهبت الى السايكلوجست و تحدثت معه ... تمنيت أن احصل على المساعده من هنا قبل أن اظطر أذهب للسايكلوجي .. لأن الثقافة و البيئة و الخلفية الثقافية كلها عوامل مؤثرة للنصح ... البعض خذلني و جرحني بالكلام فذهبت اتحقق من نفسيتي و و نصحني ببعض النصائح العملية ... و الحمدلله أنا الآن مبسوطة و سعيده.

و أبشركم العروس طلعت أخلاقها من أول تش ... و الآن مابيني و بينها إلا السلام ... الحمدلله.

ندخل بموضوعي الثاني

توني رجعت من جمعة سعوديات ... الله الله يتمم عليهم ماأحلاهم ... عايلتين مسافرين مع بعض و يحكون لنا طرائف الرحلة و وناستهم ... و 3 عوايل مسافرين مكان آخر و نفس الشي وناسة ... و 3 صاحبات طالعين يتسوقوا مع بعض و شاريين نفس بعض ... أنا على الرغم أني أقدم وحده بالمدينه إلا أنه ماعندي هالعلاقات مع أحد.

ودي اصير مثلهم بس طبعي مايركب معهم ... ودي آخذ مزايا هالعلاقة بس بحدود ... ماقدرت

يعني البنات هنا صاحبات لدرجة الوحده عادي تمون تدخل غرفة نوم الثانية ... يعني وحده من البنات جالسة تتمكيج بالغرفة (غرفة النوم ) و البنات داخلين معها و البعض عادي جالس على السرير ... انا مستحيل أرضى حد يدخل غرفة نومي .

السفر مع بعض ... أغلب البنات يحبون نوم النهار و جلسة الظهر و السهر بالليل ... انا و زوجي نوووووو ... نحب نجلس الصبح و نكمل وناسة الى حد العشرة آخر شي ... طيب أنا ابغى اتسلى مع البنات بس مايوافق وقتي كلش كلش ... يعني نتفق على جمعة الساعة 7 .. بس للأسف الساعة 10 الناس توها تجي و يكملون السهرة صباحي بالعطل ... طيب أنا أكون ملتزمة بالحضور 7 و ماكو أحد الا صاحبة البيت و وقت خروجي 10 توهم يتجمعون .. ابغى اروح بيتي لأن بنتي بتنام خلاص و يومي بتعفس لو خربت (طبعا مو مشكلة أخرب نظامي مرة بالسنة ... بس بالعطلة مثلا ودي التفس معهم كثير و مايصير اعفس حياتي )

زوجي بيتوتي و مايحب الطلعات مع الشباب ... فقط يطلع مع قريبة و واحد آخر فقط ... و لو بعزمون أي واحد زايد عن هالاثنين هو يقول براحتكم أنا ماني طالع معكم ... طبعاً زوجي عنده موقف من الطلعات بأن الشباب مايلتزمون بالوقت و يجتمعون بس تقضية وقت عن الزهق ...

مادري متضايقة ابغى جمعات و ماافدر لأن لي نظام يختلف عن الكل ... و ابغى اسافر مع الناس بس النظام و الطباع تختلف ... بس ودي استانس معاهم.

فضفضة و احب اسمع تعليقكم