صديق اخوي خطبني منه .. محتارة اوافق والا ؟

السلام عليكم .. كيفكم بناتت
.
من زمان وانا اقرا بهالمنتدى وماشاء الله هو الافضل بين كل المنتديات ..
.
**ما احلل ولا ابيح نسخ او نقل اي شي من موضوعي **
.
المهم موضوعي هو ان صديق اخوي الي زي مايقولون الروح بالروح خطبني منه امس .. والكلام كان بينهم وجا اخوي وقالي ع طول من اول ماراح من عندنا واخوي فهمني انه عادي لو ارفضه وان هالشي ماراح ياثر بينهم مهما كان قراري واذا وافقت عليه بيكلم اهله وبجون يخطبون رسميي لانه يبي يعرف رايي قبل يفاتح اهله ..وانا كنت بوافق بس باخر لحظة لما قالي عن راتبهه انه 4 الاف بسس .. ؟؟
.
مو تحقير ولا شي بس والله احس ماتكفي شي يعني مرررة مررة ماتكفيي وخصوصا انا تخرجت من الثانوي وجلست بالبيت ولاتوظفت ولا كملت دراسه ولاشي وخلاص استصعبت علي الوظيفه والا ع الاقل راتبين نتساعد فيها بس مادري كيف يعني هالشي محيرني كثثثييرر .. لا ويقول انه مجمع شوي لتكاليف حقت الزواج حدود 45 الف تقريبا والباقي بياخذ قرض من بنك التسليف عشان يكمل فلوسه ويتزوج .. والقرض بيخصمون من راتبه 1000 ريال شهريا .. لا والاجار بعد 1000 ريال شهريا اقل شيي .. ياسلام يعني الراتب بحح
.
.
.
والله اني في حييرة وخصوصا ماودي استعجل وابيكم تساعدوني وتعلموني وش اسوي .. انا عمري 26 سنه ولا احط طق بابنا لا من قريب ولا من بعييد وكذا احس اني قربت ع العنوسهه ولا فيي احدد وهو اول خطيب يخطبني .. والسبب الثاني ان اخوي يعرفه من المتوسط وهم مع بعض 24 ساعة بعني تقريبا صداقه 10 سنوات تقريبا وكانو جيرانا وولحين شبه يومي يجتمعون ودايم يجلسون عندنا بالبيت بالغرفه الخارجيه واوقات ينام عندنا يعني مرة اخوي عارف اطباعة واخلاقه ولو ان فيه عذروب ماكان اخوي كلمني ..هذا غير وقفاته معنا .. لان حنا كنا ساكنين ببيت اجار وشرينا بيت ملك ومن بعد ماشريناه خويه هذا وقف مع اخوي وقفه رجال .. ساعدة بالترميم البيت وكان معاه يوميا كل ماخلص من دوامه يجي عند اخوي بالبيت ويساعدة لين يروحون العمال .. حتى نقل الاثاث ماقصر معنا جاب شركه تنقل لا وكانت ع حسابه بعد .. ادري اني تفرعت كثير بس اعلمكم ان الولد وقفاته معنا كثثييير هذا غير لمن تتعطل سيارة اخوي ويعطينا سيارته نخلص مشاويرنا والله وقفاته كثيرة ويعتمد عليه بكل شي بس يعيببه دخلهه المادي ضعييفف
.
.
.
.
والسبب الاخير ما اشوفه سبب قوي بس انا اكبر منه بسنتين ونص تقريبا يعني فيه كم اسباب متداخله مع بعض ... وقلت له خله يصبر لما يتحسن راتبه ويزين وضعه المادي وقال انه مستعجل يبي الزواج ومادري محتاررةة ... وتشوفون لو رفضته بيرزقني ربي الي احسن منه وانا خايفه اكون مثل بنات عمي وصلو الثلاثينات ولاتزوجو وانا كل همي يفوتني القطار ولا اتزوج .
واسففهه ع الاطالهه

**ما احلل ولا ابيح نسخ او نقل اي شي من موضوعي **