صديق زوجي المغفل ⚠

السلام عليكم ورحمه الله وبركاته 🍁


ي بنات صاحب زوجي غريب تخيلن يحكي لزوجي كل تفاصيل حياته مع زوجته ، انا سويت لزوجتي كذا وهيا سوت لي كذا ومدري ايش وانا لما اتابع التي في احب احضنها بس ننحرج من الخادمه وكمان هيا من كل راتب ينزل لها بدوامها ع طول تشتري ليا هدايا عطر ساعه سفر شي احبه ومرات تعزمني ع مطعم او كوفي وانا اموت فيها وهي ماليه حياتي وكمانه هيا تحبني وتغار علي ودلوعه كثير ومدري ايش وزوجي فاتح فمه مفهي من صديقه طيب ليش هالحكي اللي ماله داعي !! زوجي لما حكى لي قلت له السالفه دياثه ولا ايش !! قال لا ياختي صديق يمون ع صديقه قلت له عاد ماتوصل انه يحكي لك حتى موعد فراشه مع زوجته ومتى ينامون مع بعض وايش حركاتهم بالفراش سلامات !! قال عاد ايش اسوي هو يحكي لي كذا !! حتى بجمالها مدحها كثير قسم بالله اشياء كثيره ماذكرتها تخوف جد يعني التفاصيل بشكل ممله يعطيها زوجي انا مستغربه من صديقه ايش الهدف من حكيه ؟ مو معقوله تكون هالسوالف كلها من باب الميانه ؟ وزوجي يقولي كثير شفته يكلمها قسم بالله كانهم تو عرسان يعني كلام صديقه صدق !


طيب ايش الحل مع عالاشكال كثير يتكلم عند زوجي ب اشياء مو زينه يعني زي ماتقولون خصوصيات وانا الصراحه مو مرتاحه لشي اللي جالس يصير مهما كان مابي زوجي يتأثر بكلامه ولا يبدا يفكر كيف عايشين حياتهم الحمرآء ، وحكيت لزوجي لا تعطيه وجه جلس يقولي طيب ايش اسوي يعني صديقي ولا اقدر اقوله احتفظ بخصوصياتك !