صديق زوجي بيدمر حياتي

انصحوني وش اسوي او مره اكتب لي مشكله هنا بس بعد مافاض بي الكيل ماعاد اقدر اتحمل امس راجعه من اهلي لبيتي اليوم قاعده اسولف مع زوجي وقالي انتي ليه اذا ماجيتي من اهلك ماتحبين راسي ويدي قلت ليه انت ابوي قال صديقي اذا رجع من سفر زوجته تحب راسه ويده قلت هو اساسا ماعمره سافر لانه هو وزوجته من نفس الديره قال مايحتاج يسافر يوميا تحب يده وراسه
وهالسالفه نقطه من بحر من سوالف صديقه
غير وش اكلو ووش سوو وين راحو حتا الليله اللي تسويها له يعلم زوجي وحاطه كريم ريحته كذا
تصدقون حتا موخرتها تكلم فيها
انا تعبت من كثر ماقول لزوجي لاتجيب لي سوالفهم تر ماراح يدمر حياتنا غيرهم

قال انتي تكبرين الموضوع من يوم حنا صغر وهاذي سوالفنا
المهم اليوم تهاوشت معه عسالفة حبة الراس واليد ورحت لغرفة عيالي ماقدرت امسك نفسي دخل علي عباله الوضع عادي شافني اصيح قام ينافخ علي انا اقولك كذا علشان تدورين رضاي ومن هالهرج طنشته مارديت عليه قلت حاجه وحده بقولها لك انا خساره عندك وبس لو اني اخذه من قبيلتي كان مقدرني وحاطني تاج ع راسه عصب وطلع وقال لاتنامين ولاتاكلين ولا تجلسين عندي سسسسفهته وانا اللحين جالسه بغرفة عيالي وارسلكم
تعبت يبنات وش اسوي المشكله هو طيب ويلبي طلباتي بس يحب يجيب لي علوم الحريم سوت وقالت وحطت كاني ماني معجبته
الله يعين بس الله يفرج همي