فرناز @frnaz

عضوة شرف في عالم حواء

صديق زوجي دايم يكرر هذي الكلمة ؟؟؟ وفي النهايه شوفوا اللي صار ...؟؟

هذي القصه صارت لصديق زوجي ...

وهو من اعز اصدقاء زوجي ... ظروفه الماديه صعبه شوي ،،

وكان يقول لزوجي عام ..... هجري بيكون الفرج ..دائما يكررها ،،

يقول زوجي كنت اقوله الله يجيب هذي السنه عشان

اشوف وش ذا الفرج اللي بيجي ؟؟؟

يقول صدقني في هذي السنه ربي بيفرجها علي ،،

ودائما اقول لزوجتي اذا تضايقت من ظروفنا اصبري

ترى الفرج عام ....... هجري ....؟؟

يقول زوجي ودائما اقول له متى بس هذي السنه ..

ويجلسون يضحكون ..

المهم بعد فتره نقلنا انا وزوجي من مدينه لمدينه ..

وكان له فتره ماتقابل زوجي وصديقه ،،

وفي محرم ( بداية السنه ) اللي دايم يكرر ان فيها الفرج ..

كنت انا وزوجي طالعين للسوق ،،

دق صديقه على الجوال وقال انا جاي بزورك ...

المهم رجعنا مباشره للبيت وجهزت القهوه ووو

جاء وجلس بس ماطول ،، حاول فيه زوجي

قال والله ماأقدر مستعجل بس جيت وضربت هذا المشوار لاني

مشتاق لك شوق مايعلمه الا الله ..وقلت بسلم عليك

ودّع زوجي ،،،وقال الدنيا كلها فتن اسأل الله ان لا يفتني ويقبضني

اليه غير مفتون ،،، وسافر ،،،

وبعد تقريبا 3 ساعات جاء الخبر لزوجي كالصاااااعقه

( فلان صار عليه حادث وماااااااااااااااات )

آآآآآآه مرت على زوجي ايام ،، من جد صعبه ..

ياسبحان الله توفى بداية العام الهجري اللي دايم يقول

انه فيه الفرج من ربي ...

قبل يتوفى بسنين طويله وهو يكررها(اصلا قبل اتزوج وهو يقولها )

اسأل الله ان يرحمه ويغفر له ويجمعهم في الفردوس الاعلى ..

في المشاركه الثانيه صور لموتى سبحان الله مبتسمين ..

اسأل الله ان يحسن خاتمتنا جميعا ..

اللي ترغب تشوف الصور ،، واللي ماتحب لا تشوف ،،

تراني نبهت مو تجون تلوموني وانكم ماتحملون ووو

صور عاديه كأنهم نايمين بس مبتسمين .

559

38K

يلزم عليك تسجيل الدخول أولًا لكتابة تعليق.

تسجيل دخول

فرناز • 12 سنة

ادري ان الانشوده اللي مع موضوعي ماتناسب الصور ..؟؟

بس هذي الانشوده تذكرني بصديق زوجي الله يرحمه :44:

عشان كذا حطيتها .

قال الرسول صلى الله عليه وسلم :

" إن أحدكم أو الرجل يعمل بعمل أهل النار حتى ما يكون بينه وبينها غير باع أو ذراع

فيسبق عليه الكتاب فيعمل بعمل أهل الجنة فيدخلها وإن الرجل ليعمل بعمل أهل الجنة

حتى ما يكون بينه وبينها غير ذراع أو ذراعين فيسبق عليه الكتاب فيعمل بعمل أهل

النار فيدخلها"

رواة البخاري

الحديث يخوف ..عشان كذا لازم ندعي دائما بحسن الخاتمة ..