هذي المشكله

الله يعينا وياااااااااااك

ومالك الا المحاولات انه ما يروح والدعاء

شوفي حبيبتي ..

ما ابي اخوفك بس انتي لازم توقفين قدام سفريات زوجك وتمنعينه باي طريقة..

حنا بالشرقية ودايم نروح البحرين كل اسبوع تقريبا ..بصراحة كل الرجاجيل اللي يروحون من غير عوايلهم كلن ينظر لهم نظرة مش ولا بد ومعروفين ايش حقه هم جايين ..

ترى مراقص البحرين وباراتها ثلاث ارباعها سعوديين..

والفليبينيات والشاميات والمغربيات بالتحديد مدهرات هناك..

مع احترامي للناس المحترمة من ذي الجنسيات بس هاذا هو الحال والواقع للأسف الشدييييييد..

ولمن نروح السيف او الدانة مول بتلاقين انواع الغزل والمغازل وعيني عينك..

لدرجة ان بعض السعوديين وجهه مغسول بمرق بتلاقينه جالس مع وحدة من إياهم ومسوي فيها الاخ قيس ولا هامه من اللي حوله وربي ما ودك الا تكفخينه..

حنا لمن نبي ننام بالبحرين معظم الفنادق ما نقرب لها لشدة الوساخة اللي فيها وما في غير فندق واحد اللي حنا نعرفه جوه نظيف وما بو اي خرابيط وكل اللي بو عوايل ومستحيل تلاقين الغير محترمين يقربون له..

اختي انتبهي من جد على زوجك ترى على قولتك الصاحب ساحب يعني الحين صديق زوجك لو هو طبيعي ايش حقه يحجز لزوجك وليه ما ياخذ زوجته ابرك له دام انه رايح وعنده فلوس حق تذكرتين من هنا لازم تعرفين ان روحتهم مو لله..

وهنا اتذكر قصة وحدة من الجماعة تطلقت بسبة سفريات زوجها للبحرين ..
واللي فضحه ..
انه قاعد في بار الله لا يبلانا وتشغله راقصة مغربية .وهو طبعا شارب ورايح فيها وما غير يشتري لها طوق الورد ب 500 ريال وعقب ما تلبس طوق الورد تشيله وتاخذه الفليبينية ويرد يشتريه مرة ثانية وهو الخبل ما درى ان كل فلوسه يدفعها على طوق واحد لين خلصت فلوسه ويقوم ويبتدي يشتري نفس الطوق بواسطة الفيزا كارد وما جا الصبح الا حضرته دافع حول ال35000 ريال وطبعا هو يوم رجع وصحى من اللي هو فيه نسى ايش اللي صار الا يوم تجي فاتورة الفيزا مفصلة وتطيح بيد زوجته لدرجة انه هو نفسه انصدم من المبلغ وطبعا صارت بينهم مشكلة كبيرة نتيجة مشاكل متراكمة اصلا بسبب روحاته البحرين وصلت للطلاق ..

اختي انتي ادرى بزوجك ايش الطريقة الانسب لردعه من غير ما توصل بينكم للطلاق لا سمح الله شوفي لو هو يخاف من اهله او اهلك المهم انك تحاولين معاه ولا تنسين تخوفينه من الفليبينية اللي مصابة بالإيدز اللي كل ما يسفرونها ترد وترجع البحرين باسم ثاني لين اضطروا يعممون صورتها بالصحف ..طبعا القصة هادي على ما سمعتها..

يعني قولي له لو هو مو خايفن على عمره انتي تخافين على نفسك وعلى عيالك ولو هو الحين مقتصرة سفراته للسفر والوناسة وبس.. ترى الحريم اللي هناك ما هن بتاركينه وتخافين يطيح له على وحدة من اللي ما يخافن ربهن ..تسحره ولا تجيب له مرض لا سمح الله..

وربي يهديه هو وصديقه إن شألله

أم راحيل
ولله اني حبيتك أسلوبك عجبني بالنصح والله انك صادقه بكل كلمه قلتيها
الله يرزقك بالذرية الصالحه اللي تقر بهاعينك يااااارب
غزال فوشي مشكوووورة حبيبتي والله يسخر لك زوجك

أم دحوووم
مشكوووووورة حبيبتي
متكحله برمشي
تسلميييييييين ياقلبي
مهااااوي
والله خوفتيني كل هذا يصير بالبحرين
الله يحفظ شبابنا
طيب بما أن انتي بالشرقيه قولي لي دخول البحرين بالجواز ولا بالبطاقه أرجوك ردي

صدقيني انا اللي قلته ما يجي نقطة ببحر اللي قاعد يحصل وربي احيان اقول ليتهم ما حطوا ذا الجسر علشان بعض الرجال مو كفو..

بالنسبة للبحرين لا بد من جواز السفر بس انهم خلاص ما قاموا يختمونه بس ينزلون المعلومات بالكومبيوتر يعني الحين الرجل يدخل ويطلع بجوازه من غير اي ختم او شيء يدل انه كان في البحرين