صديق زوجي .. وتصرفه الغريب معاه!!

السلام عليكم

اخواتي طالبه العون والمساعده منكم.. لو سمحتوا..

الموقف صار مع زوجي عنده صديق عزيز على قلبه يحبه وايد ويحترمه

وهو بعد يحبه ويحترمه وصار لهم سنيييييين يعرفون بعض فوق العشر

سنوات.

من قبل 10 ايام بالضبط.. وللاسف الشديد.. زوجي طلب منه مساعده ماليه بحكم

ان هالصديق رجل اعمال ومقتدر والله ناعم عليه من خيره.. اللهم لا حسد وربا عطاه يعطينا

ان شاء الله.

اش صار.. هالصديق رد عليه فى نفس اليوم وقاله لو كنت مسبق اشوي كنت ساعدتك لان ما

عندي كاش اللحين والبنك مقفل انتظرررررر لبااااااااجر اخدمك من عيوني.

خير ان شاء الله مو مشكله باجر باجر.

يوم ثاني الصبح .. ارسل زوجي له مسج يذكره بالموضوع. عادي يعني ما بين الحبايب والاصدقاء

شي. والوضع كان جدا طبيعي.. اتصدقون.. ما رد عليه ابدا!!

قال يمكن انه مشغووول بحكم عمله.. او يمكن انه بجيب الفلوس مره وحده من غير مسج.. عادي يعني.

لكن..

ما رد عليه.. لا بمسج.. ولا باتصال.. يوم.. يومين.. ثلاثه.. ارررربعه

غريبه!!

لا حس ولا خبرررررررر!!

اليوم عاااااااااااااااااااااااااااشر يوم له وهو قاطع ومطنش.

مدري اشصار؟؟

ليش تصرف هالتصرف مع زوجي؟؟ اسلوبه جداااااااااااااااااا كريه :(

لا تقولون الغايب عذره معاه احنا جفناه كذا مره بالسياره وما فيه الا العافيه يعني لو

فرضنا ان ما وده يساعد زوجي ليش ما كلمه واعتذر له عاااااااادي يعني هو مو مغصوب!!

وبعدين عشره عمر 10 سنوات واكثر ضيعها بلحظه؟؟ هانت عليه العشره؟؟ هاللون لفلوس

تسوي فى الواحد؟؟

هذي وصخ دنيااااااااااا وصدق اللي قال لفلوس تغير لنفوس.

المشكله اللحين ان زوجي مب عارف اشلون يتصرف معاه.

يعني يطنشه مثل ما صاحبنا مطنش؟؟

ولا يتصل فيه؟؟

بس محررررررررررررج واااااااايد وفى نفس الوقت هو يحبه وما يبي يخسره

يقول مدري ليش عاملني وطنشني جذيه مع اني عمري ما قصرت معاه فى شي؟!

انتوا اشرايكم؟؟

شنو يسوي زوجي؟؟

واشلون يواجهه؟؟

شنو يقوله؟؟

يعتب عليه.. ولا يلومه..

ابصراحه هو جداااااااااا محتاااااااااااااار..

ساعدوه بليز :(

وعليكم السلام.