صديق زوجي وزوجته

قبل اكتب موضوعي الله لايسامح ولايبيح ولايحلل من ينقل قصتي في الانستقرام او اي برنامج وراح اضل ادعي عليه في كل سجده ......
انا بنت بسيطه من عائله متوسطة الحال وتزوجت من رجال عائلته بنفس المستوى المعيشي تقريبا
السبب واللي خلاني اكتب الموضوع هو صديق زوجي متزوج من بنت عائلتها غنيه جدا والدها معروف وضعهم المادي جدا ممتاز والبنت درست ماجستير بعد ماتخرجت وانا جلست ادوج من جامعه لجامعه ابي اكمل ولاكن لم يحالفني الحظ طبعا في الوقت اللي زوجي كان يلف فيني من جامعه لجامعه عشان اكمل كان يسولف لي عن زوجة صديقه زوجة صديقي كملت ماجستير باجتهادها وعلى طول قبلوها من دون اي تدخلات من والدها للامانه حز فيني في البدايه وهذي كانت اول مره يسولف فيها عن زوجة صديقه فسولفت معه ومدحتها ماحبيت ابين له شي لاكن لاحضت كل فتره اذا سافرنا او طلعنا لازم يطري صديقه انه مرتاح وزوجته طلعاتها مع اهلها وسفراتها مع اهلها وهو مايحتاج انه يسفرها ولانها مدلعه عند اهلها غير متطلبه طبعا انا تركت المطاعم والكوفيات وحتى السفر احاول قد مااقدر مااجيب له طاري احس نفسي صرت عاله على زوجي معتمده عليه اعتماد كلي وللامانه زوجي ماينلام لان اهلي فلوسي نصها عندهم يعطيني مصروفي وهو ساكت والوالده لما اروح تطلبني واستحي واعطيهم معد صار يسالني وين فلوسك لانه يدري انها عند اهلي هذا من غير الاتصالات والسلف ومااقدر اقولهم لا وذهبي اللي بعته كله المشكله حاليا يابنات ان زوجي عنده دوره لامريكا مدتها سته شهور تقريبا والوقت اللي بيسافر فيه نفس موعد ولادتي مع الاسف كلمت اهلي مسافرين مايبون يجون اخواني مايردون على اتصالاتي حتى تصدقون انه من قبل رمضان ادق ولاحياة لمن تنادي طبعا قلت لزوجي وانا راسي بالارض مثل الذليله اهلي مايمديهم يجون واحاول ارقع سكت وقالي خلاص بكلم اهلي يهتمون فيك طبعا انا عندي شغاله قلت له لا شغالتي بتساعدني وانا ابي اربي عيالي زي امي وامك محد ساعدهم مو ناقصني عنهم شي وانا احس بالاحراج طبعا بولادتي السابقه البكر اهلي كانو مسافرين للشرقيه ومارضو يجون وصارت قصص كثير ماودي اذكرها لانه ماضي انا قلت له اذا ولدت وطلعت من الاربعين ابي اسافر معك قالي انا ودي احجز لك وتجين لحالك لاكن انجليزيتي ضعيفه ومااعرف اتعامل معاهم وبعدين قالي زوجة صديقه نفس حالتي وبيحجز لها زوجها وبتجي لحالها البنت هذي مكتفيه بنفسها ماشاء الله واهلها يحبونها زوجها من كثر مايحبها يسولف عنها حتى لما يكلم زوجي اسمعه يقول زوجتي وزوجتي حتى بالواتس الا ويجيب طاريها البنت هذي عندها اخت مطلقه ومره قريت سوالفه بالواتس مع زوجي تلميح واضح انه اذا يبيها ومهرهم رخيص وكذا انا مو خايفه انه يتزوج علي لانه خلاص كرهت نفسي بس اخاف يطلقني واهلي مايبوني ياعالم وانا عند زوجي كيف اذا تطلقت ورحت لهم ..طبعا الفكره براس زوجي لان طلعاته كثير ومايجلس بالبيت ودايم يفكر وسرحان واذا سولف يجيب طاريهم هذي سواليفي مجرد فضفضه والله المستعان ....