صراحه بديت اخااف..كثييير يعانون من.......؟

مرحبا بنات..

كيف حالكم..ان شاءالله بخير.. :26:

انا كتبت موضوع وش طووووووووووووووله..وتعبت عليه..وردوا كثير من البنات بس بعد اللخبطه اللي صارت بالمنتدى انحذف..وصار يطلع بس الردوووووود..
مررررررره تازمت نفسيا :44: :( ..بس قلت لعيون البنات بعيده :) ..وعشان ابتغي الاجر والمثوبه من الله..واتمنى من كل وحده تدخل ترد والله تعبت كثييير بكتابة الموضوع عشانكم وعشان ابتغي الاجر..فياليت تردوون ولو بكلمه وحده..واللي ماتبي ترد..تدعيلي بالزوج الصالح التقي اللي يسعدني ولبااقي بناات المسلمين..

صراحه انا ادخل هالقسم اشوف هالمشاكل واحاول اعطي حل قدر المستطاع واستفيد من تجاربكم..

بس لاحظت كثرة مواضيع طلب الزواااااااج..بعني اتحدى تفتحين صفحه من صفحات هالقسم وماتلقين عالاقل موضوع واااااااحد لوحده تبي طريقه للزواج وتشتكي من قلة الخطااب والعنوووووووسه !!!!!!!!!!!

من جد يابناااااااااااااااااااات بديت اخاااااااااااااااااااااااااف.... :(

يعني الحين الوحده متى نطلق عليها لقب عااانس............
اذا وصلت البنت العشرين ومااعرست؟؟؟؟؟؟؟؟؟؟
الثلاثين...........
الاربعين...................؟؟؟؟؟؟

والله مدري بس عن نفسي اقول بعد الثلاثين..................
والله يا بناااااااات الموضوع من جد يخوووووووف..يعني عالم حواء منتدى معروف ومشهور وكل الحريم يدخلونه..وشوفوا كثرة مواضيع اللي عن الزواااااااااج........

بس لاحظت شي غريب عن البنات في مواضيعهم..يسالون..عن طريقه معينه للزوااااااج؟؟؟؟؟؟؟؟؟؟؟؟؟؟

معليش بناااات بس كل وحده مكتوب نصيبها ببطن امها متى بتتزوج..وهذا رزق من رب العالمين..اما عن تخصيص طريقه للزواج..والله شفت اكثرمن موضوع نصيحه يتداولونها..مع اني عارفه البنات يحطونها عن حسن نيه..عن طريق قراءة سورة البقره عشرين او اربعين يوم..وتخصيص سور مثل طه..وغيرها وادعيه مثل..ربي اني لما انزلت اليه من خير فقير.................

هل ورد في السنه والقران شيء للزواج؟؟وتخصيص السور هذي..؟؟؟؟؟؟؟
عالعموم انا مابي ادخل في متاهات وراح ادخل بصلب الموضوع اللي جايه عليه الي هو ..
نعم اختي وعزيزتي..فيه طريقه للزواج بس مو نفس اللي فوق..فيه اشياء كثيره يعني يمكن غافلين عنها او اهمال ومن السنه والقران ولكم من الاجر اذا فعلتوها.. ..

اولا..المحافظه على الصلوات الخمسه..وياحبذا المحافظه على النوافل.......

ثانيا..الاستغفار...قال الله تعالى ( فقلت استغفروا ربكم إنه كان غفارا * يرسل السماء عليكم مدرارا * ويمددكم بأموال وبنين و يجعل لكم جنات ويجعل لكم أنهارا )...
وماحد منا يجهل كيفيه الاستغفار..يعني وش بيضرك اذا بعد كل صلاة استغفرتي مئة مره او ماشئت من عدد..واكملتيها بالتسبيح والتكبير والتهليل والصلاة على محمد صلى الله عليه وسلم........

ثالثا..الدعاء..الدعااااااء يابناات يتحقق فيه مطالب جليله وعظيمه..وهي طريقة للتواصل مع الله عز وجل لطلب الحوائج..يعني حلو انك بسجدتك..بعد صلاتك..وفي قيام الليل..تدعين ربي يرزقك بالزوج الصالح..طبعا مو تجي وحده من البنات –وهذا كثيير يحصل- تدعي يوم يومين..شهر شهرين..بعدين تقول والله ماستجاب دعائي..لا يالغلا..الالحاح ثم الالحاح ثم الالحاح بالدعاء..وحلو منك تدعين لباقي بنات المسلمين بالستر..

رابعا..الصدقه في الســر والعلن..
طبعا مو نطلع الصدقه مثلا بشهر معين او مع الزكاة وخلاص..لا طبعا ابتغي الاجر بهذه الصدقه وبنيتك ان شاء الله الزواج..وعطيها للجمعيات الخيريه او احد قريب لك فقير..طبعا حلو انك تجمعين كل يوم مبلغ اللي تقدرين عليه..لحد مايصير عند بنهاية الشهر مبلغ ولو كان زهيد لاتستخفين فيه..عطيه مؤسسات خيريه بهالمبلغ تفكين كرب وتفرجين هم نااس ونااس..وطبعا مانغفل ان صدقة السر افضل من العلن..عن ابي سعيد الخدري رض الله عنه قال:قال رسول الله صلى الله عليه وسلم(صدقة السر تطفئ غضب الرب)
والحين الامور متسهله يعني اذا عندك حساب ببنك..بس خذي حساب احد الجمعيات الخيريه وبضغطة زر تدقين على الهاتف المجاني للبنك وغالبا مايكون فيه ارشادات بالتلفون او يكلمك موظف وتطلين حواله ماليه لحساب الجمعيه وخلال 24 ساعه بتلاقين الصدقه اتحولت..بس بضغطة زر..الحمدلله..........
وهذي ارقام بعض هواتف الجمعيات الخيريه اتصلي عليهم وخذي رقم حساب الصدقات وماراح يقصرون معك :)
هذي جمعية البر بشمال الرياض..

4707765
4709999
وهذا موقعهم..http://www.albr.org/branch/north.htm
للاستفاده..

وهذي جمعية انسان للايتام..الرقم المجاني..
920001133

خامسا..قيام الليل..طبعا ماحد منا جاهل ان الله عز وجل ينزل في الثلث الاخير من الليل ويغفر لمن طلبه ويستجيب دعاء من دعاءه..يعني بصراحه لو تاملتي مدى رحمة الله بنا ولطفه لبكيت خشيه وخشوعا لله..صدق ان الله رحوم عطوف..فانتي يعني بالاجازات سهرانين..حلو انك تخصصين قبل الفجر ساعه تصلين فيها وتدعين ربك وتستغفرين..حتى بايام الدراسه.. حلو انك تقومين قبل صلاة الفجر بنص ساعه..يعني خمس دقايق علبال ماتقومين من الفراش وعشره تتوضين..ويالله مابقى لك اقل من الربع..تصلين ركعتين تطلبين ربك فيها..وتتسننين الفجر الا وهذا الفجر اذن.......

سادسا..تجنب المعاصي في كل حين..الله المستعان يعني ابن ادم اكيد بيخطي..فحاولي قدر الامكان تجنب المعاصي الله يهدينا والمسلمين اميين..غيبه ونميمه وحش بخلق الله وغير هذا كثير من لبس عاري وعبايات مخصره..الله يصلح حالنا,,الله المستعان..

سابعا..اذكار الصباح والمساء..طبعا مهم جدا انك تقرين الاوراد على نفسك..بعد صلاة الفجر اذكار الصباح وبعد العصر اذكار المساء..اشغلي وقتك بشي مفيد..اذا كنتي موظفه اكملي مهامك الوظيفيه..واذا عاطله ادخلي دار تحفيظ قران..دورات تعلم مكياج – لغات – حاسب- وكثير اشياء تعلمي لك طبخه واي شي تحبينه وتبدعين فيه..

ثامنا..ولنفسك عليك حق..
اهتمي بنفسك ببشرتك وصحتك..تغذي واهتمي ببشرتك وحالتك وشعرك..اهتمي بملابسك وتكشخي بالستر والاحتشام كملي اناقتك وتالقي بحضور المناسبات الاجتماعي..ابتسمي بوجه الناس ولا تكشرين..انبسطي..

واخيرا..تفاااااائلي ....ابتسمي...اشرقي.... لاتخلين الشيطان يلعب فيك..نصيبك تاخر..ماتدرين يمكن خيره..لو تزوجتي بهالعمر يمكن ماتتوفقين..فربي اعلم بعباده........

ماعليك من كلام الناس عليك ونظراتهم.. لاتعطينهم وجه وابتسمي بوجيههم اذا طالعوك وخليك واثقه هذا شيمو بيدك ولابيد احد هذا بيد رب الارزاق..ويااجبل مااااااااايهزك ريح.. انا عارفه كثيير منكم بيقولون صعبه ومادري ايش وكلام الناس مشكلة هالناس البنت لو وصلت العشرين واتزوجت قالوا وش فيها؟؟وش بلاها.؟؟
يختي وش دخلكم فيها بكيفها..<<<<<على فكره بالعشرين وماتزوجت خخخخخخ :42:

الحمدلله ببيت اهلك مستوره ماكله شاربه والله بنات غيرك حالتهم ماتسر متشتتين عند اخوالهم او عمانهم واهلهم منفصلين..وانواع الذل يعايشونها..فالحمدلله انتي اهون من غيرك..
ولاتنسين تذكرين انك مسلمه وهذا شيء عظيم تحمدين ربك عليه لك رب هو الواحد الاحد اللي يقضي حوائجك ويرزقك..
واذا قالولك كلام وحركات مالها داعي ردي عليهم بطريقه مؤدبه وراقيه بحيث مايمسكون عليك شي فانتبهي تنغزين احد بحكي او تطولين لسانك لان الكلام بين الناس يتواصل وزيادة بهارات كمان..
وقبل الختام..
اانا اسوي هالطريقه قبل ما اناام..وسويها والله ترتاحين..تحسين برضا تام عن نفسك..وقناعه بترسخ ببالك مدى السنين..
رددي ..الحمدلله على كل حال انا متفائله خير..وربي عند حسن ظن عبده به..ربي اعلم باموري..وربي مايكتب شي للعبد الافيه خير..اللهم لك الحمد كما ينبغي لجلال وجهك وعظيم سلطانك..اللهم فوضت اموري اليك وانت نعم الوكيل.. وغطي نفسك بالفراش وسمي ونامي.......

اتمنى يكون كلامي يفيدكم..بس حبيت انبه مره ثانيه..ياليت أي وحده تدخل الموضوع ترد لو بدعاء واللي تبغى تنقل الموضوع ياليت الله يعافيها تذكر المصدر..الله يجزاكم خير ويرزقني وياكم بالازوج الصالحين آآآآآآآآآمين يارب العالمين..

سبحانك اللهم وبحمدك اشهد ان لا اله الا انت استغفرك واتوب اليك