صراحه خوفتني هالجاره

استرى عليها وانصحيها لكن اياكى تتخذيها صديقة..........انهى العلاقة وابقى على النصيحة وخوفيها بالله.

اقطعي علاقتك بها فورا بدون اي تردد
والشريط احتفظي فيه لانك لو لما تقاطعيها راح تحس انك عرفتي شي وممكن تحاول تتبلى عليك
وصارحي زوجك عن حقيقتها ولو تسمعيه الشريط يكون احسن
وبع ماتتعافي وتحسي نفسك نشيطه علىىىىىىىىىىىىىىى طول انقلي من شقتك

الحل لاتساعدينا قولي لزوجك يقول لزوجها ويسمعه الشريط هذي ماتستحق تربي اطفال يمكن تضيعهم معها حرام تسكتين ولاتدخلينها بيتك مره ثانيه
انت ترضين زوجك يخونك الله لايجيب هذا اليوم اجل ساعدي زوجها وساعديها هي بانك توقفينه عند حدها

هلا اختي نصيحه لاتسمعي زوجك ابدا لانه بيعرف انك تجسستي على التلفون وخصوص ان امك موجوده بالبيت فصعبه لانه بيقول تعليمات الوالده لاتقوليله شي واستري عليها ولكن خففي من الزيارات وتعذري دايم انه زوجك مايحب زيارات احد من الجيران وبكذا تسحب اشوي اشوي

صارحيها انك ما توقعتيها كذا وانها كان لازم تحترم حرمة البيت اللي تدخله .. كيف تكلم رجال غير زوجها وتطلع معه ولا وتواعده من تلفونك بعد .. والله هذه مصيبة ومصيبة عظيمة ..

اطلبي منها عدم المجيء لبيتك ثانية وانك لن تقولي لزوجها او لأحد عن بلاويها بس الشرط انه لسانه ما يخاطب لسانك وانها تنسى انك جارتها او كنت صديقتها بيوم من الأيام ..

قولي لزوجك عن الموضوع وسمعيه الشريط واحتفظي به عندك عشان لو حاولت يوم انها تبليك او عرف زوجها بسالفتها وانها كانت تكلمه من عندك اظهري له الشريط ويكون قطعك للعلاقة معها اكبر دليل انك يوم عرفتي ما وافقتي على المصيبة اللي تعملها وطردتيها ..

الصديقة الشينة تجيب السمعة الشينة لصديقتها حتى لو كانت طاهرة وعفيفة لأنه الناس يقولون الطيور على اشكالها تقع ولو انه صديقتها مش مثلها كان ما صادقتها .. بعدين هذه بنت الحرام تتكلم من تلفونك افرضي باكر الرجل اللي تكلمه واكيد عنده كاشف رقم واكيد انها تقوله اني اكلمك من بيت جارتنا فلانة .. اخاف انه ياخذ الرقم ويصير يتصل فيكي ويعملك مشاكل انت بغنى عنها .. اهم شي صارحي زوجك الآن وليس بعدين وقوليله القصة من الألف للياء وتخوفك انه ممكن يكون اخذ رقمكم وراح يصير يعاكسكم ، عشان لو حاول هذا ابن الحرام انه يتحرش فيكي يكون زوجك عنده فكرة عن الموضوع ويتصرف معه بدل ما الله لا يسمح يشك فيكي او يبتليكي .. والنصيحة الأخيرة انكم تغيرون رقم هاتف المنزل ..