صراع بين كرامتي وزوجي وأهله مدري أرضي مين

يا الله يابنات اتمنى تفيدوني بعد ماكتب كل الي بخاطري لاني مو من النوع الي اتشكى لأهلي واروح اقول شي يخص زوجي واهله

ببساطه أهلي زوجي محيريني وقالقيني وقالقين زوجي

علاقتي مع اهل زوجي رسميه من تزوجت يعني من 3سنين مو مررره بس مو من النوع الي اموون مره عليهم يعني لحد الحين من ادخل عندهم كنبتي ماغير محلها حتى احيانا اذا ابي شي استحي وانتظر لين اطلع وبنفس الوقت هم ماعطوني مجال ولاحسسوني ان الوضع عادي يعني بالعربي ماحسسوني اني وحده منهم وفيهم مو انهم يكرهوني لا الشهاده لله ماشفت منهم شي كافين خيرهم شرهم عنهم يعني علاقتنا كيف الحال ياجار انت بحال وانا بحال ولا يدخلون بشي بس كانو يزعجوني بالحمل كل ماكلمت ولا شافوني ماحملتي ماعالجتي ماسويتي وانا اقول لا وزوجي كان مايعطيهم مجال يدخلون بخصوصياته ابد ابد

بتقولون وين المشكله

المشكله ان لهم فتره متغيرين علي واذا رحتلهم خواته يدخلون غرفتهم ويسكون الباب ولايطلعون الا لامشينا انا وزوجي
اول شي مانتبهت بس تذكرت موقف سخيييييييييف سار قلت يمكن عشان كذا
الموقف اني اول ماحملت طبعا تدرون بالنفسيه والوحم والقرف وطبعا ماكانو يدرون اني حامل يوم رحتلهم اخته سوت قهوه تركي وجات قدمتها لي انا واخوها((زوجي)) زوجي طبعا خلقه ماله بالشاهي والقهوه والاشياء هاذي مايشربها ابد فاعتذر وقالها مابي يوم جت عندي تبي تعطيني انا كان معي حرقااااااااان ذابحني وغثيان وشي ماينطاق فكمان اعتذرت وقلتلها مو مشتهيه تسلمين هي على طول عصبت وقالت يعني حتى ماتعرفون تجاملون ومدري ايش ودارت ظهرها وسحبت نفسها ودخلت غرفتها انا طبعا انصدمت معقوله كل ذا عشان قهوه ومشى اليوم
رحتلهم الزياره الي بعدها هي واختها مقفلين الباب على روحهم ولا طلعو سلمو والي جنني ان الكبيره كانت تمر بين السيب حق الغرف والصاله وشايفتني ولا تجي تسلم لا علي ولا على اخوها وسكت



دقايق يتبع:(