صرت اخاف احسد سلفتي

الأسرة والمجتمع

تتفقون معي ان اللي ما عندها عيال مرتاحة ذا الوقت


اتجمعت امس انا وسلفاتي قسم بالله ما اتهنينا لا قهوة ولا سوالف من عيالنا الله يخفظهم جننونا
هذا يبكي وهذا يصيح وهذا بخرب وهذا يكسر


وعندنا وحدة من سلفاتنا ماعندها عيال
وربي مرووقة اخر رواق ومبسوطة ومرتبه
ودايما هي وزوجها خرجات وسفر ووناسة
لكن تصور بيتها مرتب يفتح النفس لا بزر يصيح ويخرب ولا شي


والله من تعبي من عيالي صرت اخاف احسدها
59
11K

يلزم عليك تسجيل الدخول أولًا لكتابة تعليق.

تسجيل دخول

سمهون 1
سمهون 1
الله يرزقها ياارب بالذريه الصالحه حطي فبالك مافي وحده م تتمنى الذريه وانتي احمدي ربك ربي اعطاك احلى العطايا ❤️❤️
ام ريان الحلو 2015
قولي الحمدلله انهم معافيين وسليمين مصيرهم يكبرون وترتاحين ولاحقة عالجمعات
بنتـ سليمان
بنتـ سليمان
الله يحفظ ويصلح ذرياتنا هم زينة الحياة الدنيا صغار يسرون وكبار يبرون
قوت اخت نوت
قوت اخت نوت
في هذا الموضوع اكتشفت ان السلفه عند البعض محسوده محسوده محسوووده لو على النقمة
الحين انتي مبسوطه بوجود اطفالك حواليك الله لايغير عليك نعمه ويبارك لك يزيدك أكثر وأكثر
وجابه تتمقليها تدوري شي فيها مو عندك عشان تتحلطمي
لو عندك هذا الشي اللي عندها كان مادخلتي وكتبتي هنا من الجهد والتعب بسبب مشاوير المستشفيات والدايات تبحثي عن ذرية
الناس بطلت تقول الحمدلله وبطلت تقتنع برزق الله
و صاروا يشوفوا اللي عند غيرهم نعمه لو هو نقمه وهذا من عدم الرضى بنعم الله
وكلا صار لازم يدور عند الناس لو شي سلبي عشان يتحلطم على حاله ويبن انه هو الشقيان المبتلي بينما هو المنعم الله عليه لكن القناعة كنز لايفنى
قطعة سكر 🌺
قطعة سكر 🌺
صدقيني لو كنت مكانها كان انت الان تحسدي اللي عندهم اطفال وكان وقتك كله رايح على مراجعات ودكاتره هذا غير الدق بالكلام من تحت لتحت من الناس انها ماحملت وانه زوجها اكيد بيتزوج عليها عشان يخلف وكلام يسم البدن
فاحمدي الله على النعمه اللي عندك وهذولا هم الاطفال حياتهم لعب ومطاردات ومشاغبات وطبيعي اذا انحبسو بمكان تصدر منهم هالتصرفات
اللي عنده اطفال مو مرتاح ويحسد اللي ماعنده اطفال واللي ماعنده اطفال مو مرتاح ويحسد اللي عنده اطفال حال الدنيا