صباحكم ورد 🌹
حابه اخذ رأي اللي جربو نفس حالتي ..
زوجي من النوع الحريص من بداية زواجي والعواني حقت العرس يغبيها عني بالدرج وانا كاشفته وساكته وراتبه ماعلمني كم 🌚 دريت بالصدفه مقتدر اللهم لك الحمد وقروضه ماتجي ربع الراتب وشقتنا ملك دائما بخصام على المصروف يبي ينقصه لمبلغ مايكفيني لوو بيزين سيارته راح نقص مصروفي وش الحكمه مدري 🤮
مايعطيني زياده الا بطلعة الروح ولشي ضروري قوه ودائما يتشكى من قلة ماله وان ماعنده وانا عارفه انه بخيير 😑
عيشني بقلق مادي صرت برعب يخلص مصروفي واجلس بدون فلوس لاني ماحب اطلب من اهلي 💔
اتفقت معه اولد بخاص وكان كل شهر ينقص مصروفي واسكت بحجة انه يجمع للمستشفى مع انه بربع راتبين يدفعه بس قلت يمكن ظروفه وتحملت 😿 اللحين بالتاسع يقولي اولي بمستشفى عادي وقدري ظروفي واكسبي رضاي والا اولدي بخاص بس ماني راضي اقنعته انا ادفع رافض بحجة خايف اتعود بولاداتي الثانيه بخاص ومره يقول ماكملت المبلغ واخرتها قال خلاص بس ماني راضي 😭 بعد هالموقف صرت ماثق فيه ابد كان يجمع واسكت على تنقيص مصروفي وبالاخير يقول كيذا (((( ارجوكم لاحد يجيب طاري وين اولد انا ادرى )))))
صرت افكر بالمستقبل خايفه منه صرت ماثق فيه واخاف من حرصه الزايد لانه مايدفع الا بشي اساسي مع انه مقتدر وصرت اخاف من تقلب رأيه يوهقني وخايفه على البيبي الجديد ويقصر معه او معي 😭
اللي مثل كيذا متذبذب وحريص يكمل معه ؟؟؟ مع ان لي سنه متزوجه
اتقبل وجهات نظركم وارأكم 🌹🌹🌹🌹
Ertqa5555 @ertqa5555
عضوة جديدة
يلزم عليك تسجيل الدخول أولًا لكتابة تعليق.
الله يسهل عليك الولادة وتقومي بالسلامه يارب ويسخر قلب زوجك لك ولعيالك حبيت ادعيلك ان شاءالله الأخوات يفيدونكالله يسهل عليك الولادة وتقومي بالسلامه يارب ويسخر قلب زوجك لك ولعيالك حبيت ادعيلك ان شاءالله...
امييين الله يسعدك ماتدرين هالكلمات وش تسوي فيني ❤️❤️❤️❤️
االواحة :
وش يشتغل زوجك عوديه انه يخصص لك مصروف شخصيوش يشتغل زوجك عوديه انه يخصص لك مصروف شخصي
مخصص لي ومتفقين بس يصير عنده اي ظرف لو تافه ولو ماهو محتاج هالكم ميه ينقصه على طول وكل شهر على هالحاله الا اذا صار ماعنده التزامات ابببدا مع اني ارجع واقول مقتدر اللهم لك الحمد ماهو بحاجة هالتنقيص منه
حاولي الا ماتلقين طريقه
ولو يرفع المصروف
عددي نحتاج كذا وكذا
والي مثله لابد يروح للسوق يشوف بعينه
وش قصدك ينعاش معه يوم حملتي يااختي تفكرين
خلاص غيري طبعه حبه حبه لين يتعود على الصرف
خاصه ان تقولين راتبه كويس والبيت ملك
طيب يمكن عنده مشروع او سياره جديده اي شي
وحوقلي كثري حوقله بتشوفين العجب وتغيره
والمستوصف انتي ادرى بس الخوف انه مو راضي حطي عليها خط
وافهمي وش سبب رفضه
اي وممكن تلميح ان ما تحبين البخيل وتمدحين كرمه رفعيه للسماء
والله يقومك بالسلامه
ولو يرفع المصروف
عددي نحتاج كذا وكذا
والي مثله لابد يروح للسوق يشوف بعينه
وش قصدك ينعاش معه يوم حملتي يااختي تفكرين
خلاص غيري طبعه حبه حبه لين يتعود على الصرف
خاصه ان تقولين راتبه كويس والبيت ملك
طيب يمكن عنده مشروع او سياره جديده اي شي
وحوقلي كثري حوقله بتشوفين العجب وتغيره
والمستوصف انتي ادرى بس الخوف انه مو راضي حطي عليها خط
وافهمي وش سبب رفضه
اي وممكن تلميح ان ما تحبين البخيل وتمدحين كرمه رفعيه للسماء
والله يقومك بالسلامه
الصفحة الأخيرة
ويسخر قلب زوجك لك ولعيالك
حبيت ادعيلك ان شاءالله الأخوات يفيدونك