سلام ياعسولات .. كيفكم اتمنى الكل يكون بخير..
المهم ما ابي احد يزعل من الموضوع لكن حاجه تبط الكبد بصراحه يابنات انا قابلت وحدة من الجماعه وكنا نتكلم وكنت اقولها انا بصراحه اكثر شي جلستي على النت افتح عالم حواء اقرأ بمواضيع البنات الا فاجأتني بردة فعلها!! وقالت مالقيتي الا عالم حواء .. عالم حواء كان زمان حلو وفيه مواضيع الواحد يقعد يقرأ فيها اما الان كل ما افتح موضوع الا وحدة تقول تهقون اتزوج والا ابغى اتزوج والا انا تعديت 30 ومحد بيتزوجني ادعولي ومن هذي المواضيع تقول زوجي كم مره يكون جنبي ويشوف بالصدفه هالمواضيع تقول والله كبر راسه عليه صار شايف نفسه يقول انتوا يالحريم تموتون على الرجال يقول الحين سهل الواحد يتزوج 4 والا يطلق ويتزوج وبراحته....
بصراحه يابنات هي صادقه والله انا لاحظت بهالمنتدى هذا الكلام يعني مو معقول اننا نرخص انفسنا اكثر من كذا كل العالم درت اننا ندور ازواج طيب خلاص خليها بينك وبين نفسك وترى مستحيل انه هالمنتدى يكون خالي من الرجال والله صاروا يشوفون انفسهم عشان كذا الواحد صار يطق زوجته ويهينها لانه عارف لو طلقها بيلقى غيرها ملايين وبأقل مهر ولو واحد جا يخطب من ناس يجيك شايف نفسه ويصير هو اللي يتشرط ويحدد بعد كل شي والله الدنيا انقلبت والسبب هالفضايح الرجال صاروا يشوفون لهفتنا على الزواج وشكاوينا اللي تقهر بنات خلاص خلونا نبطل مثل هالمواضيع واللي ربي كاتبه بيصير خلونا معزززين مكرمين مثل ما عزنا الله بالحياء زمان الوحدة تستحي تجيب حتى طاري العرس وكان العرسان الواحد يجي محشم البنت واهلها والان من كثر ماشافوا مواضيع الزواج صاروا يشوفون انفسهم ويقولون احنا متفضلين على البنت واهلها.
لو سمحتوا مجرد رأي وقلته اتمنى الرد بدون تجريح
هذا الموضوع مغلق.
انا عن نفسي اكتب اللي خاطري فيه واشكي همومي للاخوات طبعا بحدود الادب واذا الرجل يبغى يقرا فهذه كارثه لانه وبساطه هذا عالم حواء عالم خاص بالمراه
عفيراء
•
والله ياقلبي انا لاحظت هذا الشئ بالمنتدى كثيررر بس ماحبيت اعلق خفت البنات يزعلون ويشيلون بخاطرهم عليه
بس برضوا مافيها شئ لو نفضفض لبعض
تقبلي مروري
بس برضوا مافيها شئ لو نفضفض لبعض
تقبلي مروري
الصفحة الأخيرة
كلامك فيه شيء من الصحه
لكن يا قلبي
هذا المنتدى عالم أفتراضي
البنات يا خذوا راحتهم فيه
مو مشكله تفضفض
وتريح نفسها
وتطلب من البنات أنهم يدعوا لها
مو معقول أننا نقمع حريتهم حتى بالنت لأننا نخاف على أزواجنا
زوجك بيعرف أنو فيه عوانس ملى البيوت
شي مو محتاج شطاره
ولا يتغطى
بالمثل لو نقول للحريم لا تطرين مشاكل زوجك ع اساس البنات بيقولوا تحملي
وأصبري وطيعي زوجك
ترى الرجال بتكبر روسهم لأنهم يقرون الردود الأنهزاميه من الحريم
عالم أفتراضي
طالما أنه مو معصيه لكل وحده حرية اللتعبير عن مكنونها
بما لا يخرج عن الذوق والأدب
مع حبي
أدعوا لي بتيسير خطوبتي المتعسره وأن الله يرفع ما أصابني