صرت اشبه أمي😍

السلام عليكم ياعسولات
أخباركم عساكم طيبين
بقول لكم شي ختير 😂
الحمدلله اكتشفت اني اشبه امي والاشياء اللي كنت استغربها من أمي لقيتها فيني😅
عندكم اول شي الحدس القوي
اعرف اذا الكوب بينكسر او العصير بينكب او الملقوف بيطيح او او او تعرفون الاحساس الصائب 😂😂😂😂😂
الشي الثاني صرت انخرع اذا احد صحاني من النوم
لازم لازم لازم انخرع 😂😂كنت استغرب من امي يوم اصحيها تنخرع واحياناً اصحيها شوي شوي تفز تقول بصوت واطي وش فيه😂لبى قلبها تحسب فيه حرامي🤣🤣 والحين انا مثلها☹️
الشي الثالث وش له الخساير🤣🤣اي شي مايعجبني وعيالي بيشترونه لازم اقولها هههههههه مع اني اشتريها بس طول الطريق اتحلطم قبل كان اخوي يقول لامي خلصت شريتيه اسكتي خلينا نتهنى بها ولاحظت اخوي حتى هو اول طلعت السكوتر مو عاجبه وبس يرددها على عياله🤣

الشي الرابع النوم 🤕والله قبل احسب امي ماتنام الله يبلغني برها يارب ننام وهي صاحيه ونصحى وهي صاحية الوقت اللي تنام فيه الظهر💔
بس هذي النقطة ماصرت زيها بالتمام يمكن لان فيه احد معتمده عليه بالبيت
يالله ياحلوين قولوا لنا وش كسبتوا من امهاتكم
الله يحفظ من هي على قيد الحياة ويرحم المتوفيات ويسكنهن الجنة❤️