صرت اشك بزوجي تكفون ساعدوني.

مابي اضيق صدرك بس دام اللي سمعتي بنت وبيسافر اتوقع انه راعي خرابيط ويمكن بيسافر لها او متزوج مسيار وبيروح عندها بس المهم انك تمسكين نفسك لاتتهاوشين معه تاكدي اول باي طريقه وان كان متزوج اهون من الحرام اعذريني على كلامي عارفه انه يحرق القلب

الله يعينك

وليش ماواجهتيه ياحبة عيني ؟!

تتوقعين لو هو رد على جوالك وسمع صوت رجال بيسكت ؟!!!!!

وش هالبرود وهالتنازل عن الحقوق

وتقولون ليه ازواجنا مايحترمونا لأنكم مو عاملين حساب لنفسكم هذا هو السبب


روحي له قولي له تعال انت هيييه مين هذي اللي رديت عليها ولشنو بتسافر وش حاجتك بالسفرر وبعدين ماني اصغر عيالك تهاوشني وتسافر


طالبي بحقوقك اللي له ترى لك واللي عليه ترى عليك والحلام والحرام عليه وعليك كلكم سواسيه

لاتسكتين عن حقكك ابداً
ماقولك يمكن صدق بنت ومسيار وخرابيط

لا

انا اقولك خشي بعينه وتأكدي وطالبي بحقوقك لمتى وانتم ساكتين وتخلونها سايبه لين ازواجكم خربوها وتساهلوا واسترخصوكم


بالتوفيق وطمنينا عنك

ايش اللي تسألي بيسافر معاها او لأ
هدا همك؟ ليش انتي بتسمحيله يسافر بعد ماسمعتي بأدنك صوت بنت متصلة عليه؟
خلي همك الأول كيف دخلت حياته وكيف حتخرجيها
وكيف يسمح لنفسه يكلم غيرك
انتي مو اي وحدة
ترى زعله حركة مقصودة علشان تخافي وتسكتي على غلطته الفادحة لأنه شاف ردة فعلك سكتي ولا كأنك سمعتي صوت بنت
كأنك سويتي مصيبة وخفتي وقت خرج من الحمام ماكأنه هو اللي مسوي المصيبة
هو دحين خايف علشان كدا هارب
اوعك تسكتي على سفرته
لو سافر هالمرة وانتي ساكتة راح يتعود ولا تستبعدي يسافر معاها
لا تسمحي لعلاقته معاها تتمادى ياما حريم اتغاضو على بالهم فترة ويتركها وتتفاجأ جايبها ضرة عليها
بطلي ضعف وخدي رقمها وشوفي مين هي لاتستسلمي بدون ماتكلميها وراقبيه لين تتأكدي بطل منها والا مستمر
هدا زوجك من حقك تعترضي على حرام يسويه
اسال الله ان يبعدها عن زوجك ويبعده عنها.

والله حبيبتي انت ادرى بزوجك
مانعرف هو بسافر معها ولا مع غيرها

ومواضيع الشك هذه ما تتبني من موقف واحد
اكيد اذا زوجك على علاقة مع احد سواء كانت علاقة شرعية بزواج ولا بالحرام
لازم يظهر عليه من فترة مو بسيطة
يعني بيتغير عليكي وتحسي فيه شيء مو طبيعي
اما حكاية انه سمعتي صوت بنت وقرر يسافر ودوبك تحسي انه زوجك له علاقة
صراحة ماتخش العقل معليش

فتعوذي من ابليس ولا تدمري حياتك بالشك