صرت اكرهه يوم زواجي

السلام عليكم بناتانا و لله الحمد و الفضل و المنه تزوجت قبل ٥ شهور و سويت ملكه كانت بسيطه بالبيت و سويت زواج هم كان بالبيت لان اهلي تكفلو بالملكه و العرس و اهل زوجي حزة الحزه بعد ما جهزنا كل شي قالو مستعدين ندفع لصاله! سويته بالبيت بس كان زواج تقريباً كبير الحضور اكثر من ١٢٠ و سرداب البيت كبير مع تجهيزات كامله مكمله ديكور و كوشه كلفونا و بوفيه و دي جي و نفنوف كبير و طرحه و تصوير و زفة عروس و عريس و كان الديكور يجنن و كل شي بخاطري سويته جلسات تصوير و فيديو و زفه بس مادري ليه بلشت اقارن نفسي باللي سوه عرسه بقاعه او صاله! مع ان والله صوري طلعت تجنن و الكل استانس الحمدلله و عشت كل مشاعر العروس بس احس اني صرت اقارن اعوذ بالله و صرت انغص على نفسي و اقول اللي سويته مو زواج مع اني سويت كل شي يسوونه العرايس بالقاعه! و كانت كبيره بس ملمومه ماعرف كيف اشرح كنت طايره فيها بس الحين لمن اشوف غيري اقارن!تكفون هونو علي بنات مالي ٥ شهور متزوجه كنت طايره طايره فيها و الحين ماحب حتى اشوف شكلي بالصور مع ان شكليّ يجنن الميك اب كان خيالي و الطرحه تسولف الكل سالني عنها.