أهل زوجي لما ازورهم طول الوقت انتقادات فيني وفي بنتي
خوات زوجي يطلعوا في كل شيء من الالف للياء في عبايتي وشنطتي وحتى جزمتي الله يكرمكم
مو طبيعي كل مرة تعليقات تنسد تنفسي من الجلسى معاهم احيانا يقولوا عبايتي قصيرة واحيانا يقولوا عبايتي كانها ضيقة وانتي حامل ةماتصلح ..هي مو ضيقة بس أنا يوم أقوم تعرقلت وانفتحت الطقطق و ع بالها لان ضيقة و.أنا عندي عبايات واجد واذا بطلع اسحب أي وحدة نظيفة ومااركز فيها ولكن هي عمتي ابالغ وخوات زوجي يبالغوا حتى فشنطتي لو اشتري شنطة غيرها واروح يقولوا غيرتي شنطتك وشوي يقولوا شنطتك واجد كبيرة وشوي تقول صغيرة ماعرفت لهم وش يبغوا
ومرة كذا يشوفوا أهم شيء ثاني كذا مرة يعلقةا على جزمتي الله يكرمكم مرة يقولوا مرة ثقيلة جزمتك ليش كذا تلبسي ثقيلة واستغربت معقولة ناس اروح لهم حتى جزمتي يرفعوها ويشوفوا وزنها لاحول ولاقوة الا بالله.
ومن كم يوم لما رحت لهم اخت زوجي تقولي جزمتك شكلها من زمان عندك حالتها حالة ....وهي عادية اصلا أنا مخليتها للكرف ههه المهم استغربت كيف كذا ناس معقولة حتى جزمتي الله يكرمكم يعلقةا عليها
واذا ماعلقوا علي يعلقةا على بنتي وش ملبستها واذا لبستها قبعه يقولوا حر مايحتاج ليش تلبسيها قبعة واذا مالبستها يقولوا كيف كذا تطلعي مع بنتك دون قبعه واذا لبستها هيلاهوب او شرابات نفس الشيء يقولوا حر ليش ملبستها واذا مالبستها يقولوا ليش مالبستها كذا طالعة بها مايصلح ؟!
ووش ماحملت لها فشنطتي وأنا مهملى يوم ماحطيا هالشيء فشنطتي وأنا أكون قصدي رائحة لهم زيارة خفيفة اساسا وبرجع بس لأنهم كلما بقوم يقولوا لحقتي جيتي بتروحي فاجلس ومدري وش اسوي طفشت من تعليقاتهم ع كل شيء أنا مارتاح لناس كذا هم بناتهم كل شيء يلبسوا حتى عبارة ملونة ويكشفوا وأنا ماتدخلت فيهم وأنا فكلشيء يتدخلوا امهاتهم في حياتي وطريقة حياتي غريب شالهناس الله يشغلهم بنفسهم.
أنا في البداية كنت ماهتم لتعليقااهم بس صرت الاحظ مع كل زيارة تعليقات وتدخلات واحنا طبعنا كبشر نحب تجلس مع ناس نرتاح لهم مو طول الوقت يزنوا وكل شيء مو عاجبهم فينا ومشكلة زوجي لو مارحت يجي لي يقول مارحتي لاهلي ومرة قلت له السبب سالني أي وحدة اللي قالت وراح قال لها ولما شافتني تقولي كل شيء تقولي لزوجك زي الاطفال هي تتعمد اساسا تسيء لي ومافشلة اني قلت لاخوها لان قال لها وأنا لان مالي خلق مشاكل اكثر قصرت ماقوله له رغم المضايقات لأنه بيتعب وأنا بتعب زيادة على مااني تعبت .
شالحل معاهم مايطفشوا حتى لما اسولف معهم لازم ينتقدوني مايقدرو صرت أقول ماراح اسولف معهم بس ماينفع أنا عفوية وادخل معاهم في السوالف بسرعة ولكنهم يمسكوني من يدي اللي توجعني ليسيؤ لي عمتي كبيرة فالسن وهي تعليقاها واجد أنا قلت الكبار كذا ع كل شيء يعلقوا وعذرتها لكن بناتها مهم كبار واجد و ع كل شيء يعلقوا طفشت ازورهم ماشوف لارحت اناس ثانين يعلقوا مثلهم تصير مهي زيارة كاني رايحة لأعداء استغفر الله.