صرت اكره اقرأ مثل هذي المواضيع وانقهر وابكي وممكن اطور المسأله -- مين فيكم زيي؟؟

تعوذي من الشيطان ..شغلي سورة البقرة باستمرار بالبيت.وحاولي تتجنبين فتح اي موضوع مع زوجك من هنا الى العيد ..والله يصلح حالكم..

اصلا من الآن ماابغى اشوفه في العيد
ماابغى اشوف وجهه
ماابغى نكد
ابغى انبسط مع اهلي
في ستين داهيه هذا الزوج
انا مااحس بالمتعه معاه
احس اني ابغى ابكي وبس
بس مستخسره ابكي عشان احد
حتى لما ابكي اقول يالله البكا مفيد لاتزعلي
لكن ماعاد يهمني احد
لكن كيف اكون بارده مااحس مايهمني شي كيف؟؟ مين فيكم وصلت لهذي المرحله وكيف؟؟ ابغى اكون بارده جدا وماتأثر فيا المشاكل ولا الابتعاد

طيب احكيلنا السبب المباشر في مشاكلكم في العيد ؟؟

المشاكل تبدأ من رمضان
يترك مسؤولية الاطفال عليه ويخرج ويرجع الفجر بحجة الصلاه في الحرم
ولما ارسل له رسايل يرد عليها باستمرار وقت الصلاه
معناه مو في الصلاه
مدري وين ذالف
المهم يبغى يترك المسؤوليات عليه
ولما اقوله على امر صار في البيت -- خلص الغاز -- او اتعطل الشي الفلاني
ويكون هذا الشي مهم مالنا غنى عنه
يقول اليوم مو فاضي
يروح يمتع نفسه عند اهله وانا قاعده حرمه لوحدي مع اطفال صغار مااعرف اتصرف
في الاخير اتصل باخواني او باحد غريب يسويلي الشغله هذي
اهلي يكرهوه بس يقولولي اصبري ولا تطلقي
روحو شوفو موضوعي في المشاكل الاجتماعيه وعن معاناتي معاه
فوق هذا هو غير مسؤول
قبل العيد بكم يوم يرمي كلام زي الجمر مفاده انه العيد معاكي نكد
مع اني مااتكلم ولا افتح فمي وانا ماني مبسوطه اصلا
اقوله طيب روح لأهلك او اتزوج ليه قاعد في خلقتي ومطفشني ؟؟
يقول امزح خلاص قفلي الموضوع
اقول له ماني مقفله الموضوع حتى تتزوج واشوف اذا حتنبسط مع وحده غيري او لا -- حتلاقي وحده حرمه ورجال في نفس الوقت تسويلك كل شي وانت قاعد مرتاح ؟؟
يسكت ويقفل الموضوع ولكن انا ماانسى الاساءه والاهانه
واتركه واروح لأهلي
لو اجلس عنده والله ماارتاح اعرفه شي مقرف ونكد
لكن عند اهلي انبساط في العيد
صح افتقد للزوج والحب والحنان والدلع في العيد زي كل متزوجه
بس انا عارفه لو جلست عنده ومهما سويت ماحنبسط
احيانا اقول سحر واحيانا عين
احيانا الناس يحسبونا مبسوطين تلاقيهم يحسدونا مايدرو اننا اخس متزوجين عايشين مع بعض
حياتي واللي حولي مليانه عوانس وارامل ويحسبوني سعيده حتى الاحظ حب الفضول لما يشوفوني لمعرفة حياتي الشخصيه وانا اغير الموضوع
ويدعولي ان الله يسعدني وتلاقيهم يحسدو من غير مايحسو
ماالومهم
انا نفسي مااعرف اذا ممكن احسد غيري
والله ماالومهم
اصلا الدنيا هذي تعب في تعب
بس من جد كيف نكمل حياه زوجيه زي كذا ؟؟ انا اكاد اجزم احيانا اننا حنتطلق في يوم بس مدري متى يجي هذا اليوم
مافي ازواج عايشين زينا ابدا
ماكأننا متزوجين اصلا
تخيلو بالشهور نتخاصم واحنا جوة البيت
يعني لو رجال فعلا وكله ذكوره كان اتزوج من زمان
بس هو كأنه عاجبه الوضع
وانا مو عاجبني ولكن مافي فايده
سنين على هذا الحال خلاص ماعاد فيه

والله يتهيالك انو مافي غيرك عايش دي العيشه لا والله انتي ماتعرفي زي ما الناس شايفينك اسعد زوجه وهما ما يدروا عنك كيف عايشه البيوت اسرار مالنا الا الصبر والدعاء ترى اغلب الحريم عايشين كذا مع ازواجهم وانا منهم