السلام عليكم بنات
اتمنى تساعدوني انا شخصيتي الفتره الاخيره صايره حساسه ومااعرف ارد عالكلام القاسي او حتى المزح من باب الطقطقه ماعرف ارد واتفشل وتتغير ملامح وجهي حتى لو كان اتفه موضوع بس عجزت اتقبل وجهي يقلب واسكت واتلعثم خصوصا بالجمعات العائليه مع اهلي واخواني اذا طقطقو علي او تكلمو عن موضوع يخصني وضحكو اتفشل على طول واحاول ارد بس يجيني خفقان وتلعثم وشد في جسمي واشياء غريبه تقهر😭
والله اذا كنت لحالي اقول ليش صار لي كذا الموضوع مايستاهل صرت اكره جمعات اهلي اكره سوالفهم اكره اتكلم معهم اكره اروح اهم واضل اغلب وقتي في بيتي اهلي واخواني مزحهم ثقيل وكلامهم مايخلص والله العظيم مابغى اقول اني صرت اكرهم بس هالشي تعبني كثير يبنات
مادري هو رهاب اجتماعي او ضعف شخصيه💔💔
تكفون شوفو لي حل او اي كتب او قنوات يوتيوب ممكن تفيدني وتخلصني من هالمشكله 😩
ام الزين- @am_alzyn_31
عضوة جديدة
يلزم عليك تسجيل الدخول أولًا لكتابة تعليق.
يا ضحكه شفاتي
•
امسكي اخواتك البنات. وقولي لهم زي ماكتبتي هنا ؟ واشرحي لهم اذا ماتواصلتي مع اخواتك وحسو فيك وساعدوك بين بساعدد
امسكي اخواتك البنات. وقولي لهم زي ماكتبتي هنا ؟ واشرحي لهم اذا ماتواصلتي مع اخواتك وحسو فيك وساعدوك بين بساعددامسكي اخواتك البنات. وقولي لهم زي ماكتبتي هنا ؟ واشرحي لهم اذا ماتواصلتي مع اخواتك وحسو فيك...
وش دخل خواتي؟ محد بيساعدني غير نفسيواللي مرو بحالتي لان الحياه ماشيه مو على كيفي ومستحيل اقدر ابوح بهالشي عشان محد يلاحظه او يستخدمه فيوم ضدي ويكون بالنسبه له نقطة ضعفي 🤦🏻♀️
قبل كل شي خلي ثقتك في نفسك عاليه عززي ثقتك بنفسك وتوكلي ع الله والتزمي بصلاتك لان كل هذا بيخلي ثقتك عاليه بنفسك وثانيا حاولي تصارحينهم انك ماتحبين المزح بالطريقه هاذي جربي مرا ومرتين وثلاث وراح يفهمون انك متضايقه مع اني اتوقع انهم فاهمين لان اكيد شافوك وانتي مُحْرَجَه وثالثا والاخير اذا طقطقو عليك وكلموك في موضوع يخصك قولي لهم ماعندكم سالفه غيري الله يهديكم بس دعو الخلق للخالق جربي وشوفي لان لازم ينردعون ولا راح يتمادون كل مرا عليك ترا اكثر بس زي ماقلت لك خليك قريبه مرا من ربك واطلبي من الله قبل كل شي انه يكون معك وشوفي التغيير باذن الله والله يسهل امرك يارب حبيبتي
كنت مثلك واكثر وابكي وانهار من اتفه كلمه ولكن تزوجت بعيد عن اهلي وعرفت حبهم لي و انه عادي اي شخص يمر بهالحاله لكن المسكين اللي يضحك عليه الشيطان ويخليه يوصل لمرحله يقطع اهله ،، بعدت عنهم واتمنى لحظه بس تجمعني بهم وصرت بس اجتمع معهم مشتاقين لي ومايمدي نسولف نفس اول او يطقطقون علي ،، ودي يرجعون يمونون علي نفس اول بس الغربه سوت بيننا حاجز ،،، نصيحتي تعوذي من الشيطان تغلبي ع نفسيتك بالاخير اهلك ويحبونك اذا اهلك نفس اهلي المزح والطقطقه تمشي بدمهم 😂
سهم 58
•
وعليكم السلام ورحمة الله وبركاته، لا تخلي شي في خاطرك، ،لا تشيلي هم كل شي، ،والله هذي قالت عني ،،هنا احسه يقصدني،،أنا ليش قلت هنا كذا،،كان مفروض يصير كذا،،هذا زعل،،كل هذي الأفكار الي تجيك عشان تفكرين في شى راح صار خلاص انتهى،،راح تتعبي اذا بتشيلي هم كل شي وراي كا احد على محمل الجد،،طنشي سلكي عدي ،،عطيهم على جوهم وخلاص كلامهم في أول والأخير لا يودي ولا يجيب، ،،،واكيد هم ما يقصدوا فيها يضايقوك هم بس عشان يسولفوا في جلسه جمعات عند كل ناس اكيد فيها طقطقه وسواليف كذا ،،توكلي على الله وخلك واثق من نفسك وليحدث ما يحدث، ،،مثل يقول واثق خطوات يمشي ملكا،،،الله يسعدك ويوفقك ويرزقك يارب💛
الصفحة الأخيرة